JESÚS SHINA CAUSASHUNCHIJ
¿Mana alli munaicunamantaca ima shinataj jarcarishun?
Juchayujcuna cashcamantami mana alli munaicunamanta jarcaringapajca sinchita esforzarina canchij. Ñucanchij munashcallata rurashpaca Dioshuan alli amigos canatami saquishun. Huaquincunaca shuj huasita, micunata o churanacunata punta lugarpi churashcamantami Diosta sirvinata saquishcacuna. Shujtajcunaca paicunapaj mana alli munaicunata catishcamantami, Diosta mana cazushpa huainayashpa causancuna (Ro 1:26, 27). Cutin maijancunaca shujtajcunapaj ñaupajpi alli ricurina raicullami mana allicunata rurancuna (Éx 23:2).
¿Mana alli munaicunamanta jarcaringapajca imatataj rurana canchij? Jehová Diosta sirvina, paita cushichina yuyaillami causana canchij (Mt 4:4). Shinallataj Jehová Dios ayudachunmi tucui shunguhuan mañana canchij. Paica ñucanchijpaj ima alli cashcatami yachan. Shinallataj ñucanchij alli munashcacunatapishmi pajtachin (Sl 145:16).
TABACOTA FUMASHPACA CAMBAJ SALUDTAMI DAÑANGUI NISHCA VIDEOTA RICUSHCA QꞌUIPACA CAI TAPUICUNATA CUTICHI:
¿Huaquincunaca imamantataj tabacota fumancuna?
¿Tabacota fumashpaca imataj tucushun?
¿Tabacota fumana, cigarrillo electronicotapish fumanaca imamantataj mana alli can? (2Co 7:1).
¡Fumana munaitami mishai tucungui!
¿Cai mana alli viciocunapi ama urmangapaj o cai viciocunata saquingapajca imatataj rurana canchij?