JESÚS SHINA CAUSASHUNCHIJ
Diospaj yuyaita mashcai
Ñucanchijca Jehová Diosta tucuipimi cushichisha ninchij (Pr 27:11). Pero Bibliapica mana tucuipajchu shuj ley tiyan. Chaimantami Jehová Dios imata yuyashcata alli yachanaraj canchij. Chashnami ima ley mana tiyajpipish alli decisioncunata agllashun. Pero ¿caita pajtachingapajca imatataj rurana canchij?
Punllantami Bibliata estudiana canchij. Bibliata liyishpaca Jehová Diosta uyacuj shinami canchij. Bibliapica Jehová Dios paipaj pueblota ima shina tratashcata, huaquincuna allita o mana allita rurashcatami yachai tucunchij. Chaicunata yachashpaca Jehová Dios imata yuyashcatami intindishun. Ima decisionta agllana cajpipish Jehová Diosca paipaj espíritu santota cushpami imata yachashcata yuyarichun ayudanga (Jn 14:26).
Bibliapi, publicacioncunapipishmi investigana canchij. Ima decisioncunata agllagrishpaca “¿Jehová Diosca caimantaca imatataj yuyanga? ¿Ima versocunataj alli decidichun ayudanga?” nishpami tapurina canchij. Jehová Diostapish ayudachunmi mañana canchij, publicacioncunapipishmi alli investigana canchij. Chashnami alli decisioncunata agllashun (Sl 25:4).
AMA SHAICUSHPA CALLPASHUNCHIJ: ALLI MICUITA MICUSHPA NISHCA VIDEOTA RICUSHCA QꞌUIPACA CAI TAPUICUNATA CUTICHI:
¿Videopi ricurij joven panica ima jarcaicunahuantaj chꞌimbapurarca?
¿Chashna laya jarcaicunahuan chꞌimbapurangapajca ima publicacioncunapitaj investigai tucungui?
¿Bibliata alli estudiashpa, publicacioncunapipish investigashpaca ima shinataj beneficiaringui? (Heb 5:13, 14).