Bibliata liyingapaj programa

Bibliapimi sumaj consejocuna tiyan. Chaimantami Bibliataca tucui punllacuna liyina canchij. Liyishcapipish cutin cutinmi yuyana canchij. Chai yachashcacunata pajtachishpaca allimi causashun (Josué 1:8; Salmo 1:1-3). Ashtahuanpish Bibliata liyishpami Diosta, paipaj churitapish rijsishun. Chashnami quishpiri tucushun (Juan 17:3).

¿Bibliataca ima shinataj liyi tucunchij? Cai programami Bibliataca Génesis libromanta ordenpi liyichun ayudanga. Mana cashpaca can munashca temata parlaj librocunata liyichunmi ayudanga. Por ejemplo, huaquin librocunapica Dios ima shina israelitacunata cuidashcatami huillan. Cutin shujtaj librocunapica punta siglopi Jesusta catijcuna ima shina Diosta sirvi callarishcatami huillan. Tucui punllacuna Bibliata ishqui o quimsa capitulocunata liyishpaca shuj huatapimi liyinata tucuchingui.

¿Bibliata liyisha ninguichu? Punllanta Bibliata liyisha nishpa o shuj huatapaj liyishpa tucuchisha nijpica cai programami canta ayudanga.

Cunanllatajmi Bibliata liyingapaj programa nishcataca surcui tucungui. O mana cashpaca imprimi tucunguimi