Callari shimicuna

¿Cosascuna caruyashpa catijpichu preocupado cangui? ¿Cada quillachu ashtahuan trabajana cangui? ¿Cambaj familiahuan, amigocunahuan pasangapaj manachu tiempo pajtan? Chashna cajpica Rijchari revistapi llujshishca consejocunami canta ayudanga. Cai revistapica alli causaita charingapaj, mana tanto sustingapajmi alli consejocuna tiyan. Tucuri temapica shuj esperanzata charinamantami parlan. Chai esperanzata charinami cunan punllacunallataj ahuantachun animanga.