PARTE 7
Jesusca ¿pitaj can?
Jehovami Jesusta cai Allpaman cacharca 1 Juan 4:9
Manaraj Adanta rurashpaca, Jehová Diosca achca poderta charij shuj angeltami rurarca. Chai angeltapish uyachunmi Diosca munan.
Qꞌuipaca chai ángel huahua shina Allpapi huacharichunmi, Diosca soltera huarmi Mariata agllarca. Mariaca Belenpimi chai huahuata ungurca. Jesús nishpami shutichirca (Juan 6:38).
Allpapi causashpaca Jehová shina cꞌuyaj, alli cashcatami Jesusca ricuchirca. Chaimantami gentecunaca paihuan canata munarca. Paica mana manchashpami Diosmanta mana llullashpa yachachirca.
Jesús allita rurajpipish, achca gentecunami paita pꞌiñarca 1 Pedro 2:21-24
Llullacunatami yachachinguichij, mana allicunami canguichij nijpimi, panda yachachijcunaca Jesusta pꞌiñarca.
Ungushcacunatapish jambirca, huaquin huañushcacunatapish causachircami.
Panda yachachijcuna juchachijpimi, romanocunaca Jesusta japishpa macarca huañuchircapish.