Parte 7-pica caitami yachagrinchij

Cai partepica rey Saulpaj, rey Davidpaj causaimantami yachashun. Casi 80 huatacunamantami parlan. Callaripica Saulca humilde, Diosta cazujmi carca. Cutin asha tiempo qꞌuipaca Diosta cazunatami saquirca. Chaimantami Diosca paimanta caruyarca. Jehová Diosca David israelitacunata mandachun paipaj uma jahuapi aceitehuan churachunmi Samuelta mandarca. Saulca Davidta envidiashpami achca cutin huañuchisha nirca. Pero Davidca mana chashnallataj tigrachircachu. Saulpaj churi Jonatanca David rey cachun Jehová agllashcatami yacharca. Chaimantami Davidta tucuipi ayudarca. Davidca jatun juchacunatami rurarca. Juchata rurashpapish Diospaj consejocunata chasquishpami arrepintirirca. Yaya mamacuna, Diosta cazuna valishca cashcata huahuacunaman yachachichij.