YACHAI 17
¿Jesusca ima layataj can?
Jesús cai Allpapi cajpi imallata rurashcata yachashpami paipaj amigo, Jehovapaj amigopish tucushun. ¿Jesusca ima shinataj can? ¿Jesús shina cangapajca imatataj rurana canchij?
1. ¿Jesusca imapitaj paipaj Yaya laya carca?
Jesusca achca huatacunatami jahua pachapi paipaj Yayahuan causarca. Chaimantami Jesusca paipaj Yaya laya yuyan, sintin, imatapish ruran (Juan 5:19-ta liyipai). Paica paipaj Yaya ima laya cashcataca allimi ricuchirca. Jesusca: “Pipish ñucata rijsijca, ñuca Yayatapish ñami rijsin” nircami (Juan 14:9). Jesusta ashtahuan alli rijsishpaca Jehová Diostapish ashtahuan allimi rijsingui. Jesusca Dios shinami siempre llaquij cashcata ricuchirca.
2. ¿Jesusca paipaj Yayata cꞌuyashcataca ima shinataj ricuchirca?
Jesusca: ‘Cai pachapi cajcunaca ñuca Yayata cꞌuyashcatapish, pai mandashca shina ruracushcatapish yachachunmi chashna rurani’ nircami (Juan 14:31). Jesusca sinchi llaquicunahuan cashpapish Diosta tucuipimi cazurca. Chashnami Yayata cꞌuyashcata ricuchirca. Diosmantapish parlanatami munarca. Gentecunapish Diospaj amigocuna tucuchunmi ayudarca (Juan 14:23).
3. ¿Jesusca gentecunata cꞌuyashcataca ima shinataj ricuchirca?
Jesusca gentecunatami cꞌuyarca. Chaimantami Bibliapica, ‘paica runacunahuan cushicunimi’ nirca (Proverbios 8:31). Jesusca gentecunata cꞌuyashcamantami ayudarca. Gentecuna paiman imata cungaraicullaca mana ayudarcachu. Paica milagrocunata rurashpaca poderta charishcallataca mana ricuchircachu. Ashtahuanpish cꞌuyashcatami ricuchirca (Marcos 1:40-42). Jesusca tucuicunatami cꞌuyaihuan trataj carca, cushichij shimicunahuanpish animarca. Shinallataj llaquilla cajcunaman, alli shunguta charijcunamanpish esperanzatami curca. Paica tucui gentecunamanta huañushpapish paita cazujcunatami ashtahuan cꞌuyan (Juan 15:13, 14-ta liyipai).
ASHTAHUAN YACHAI
Jesús ima shina cashcata ashtahuan yachashpaca pai laya cꞌuyaj, mana mitsaj canatami yachashun.
4. Jesusca paipaj Yayatami cꞌuyarca
Jesusca Yaya Diosta ima shina cꞌuyanatami yachachirca. Lucas 6:12; Juan 15:10 y 17:26-ta liyipai. Qꞌuipaca cada versomanta imata yachashcata ricushun:
¿Jesús shina ima shinataj Diosta cꞌuyashcata ricuchinchij?
Jesusca paipaj Yayata cꞌuyashcatami ricuchirca. Paipaj Yayatapish cutin cutinmi mañaj carca.
5. Jesusca shujtajcunamantami preocuparirca
Jesusca paipi preocuparinapaj randica shujtajcunamantami preocuparirca. Paica shaicushca cashpapish paipaj tiempohuan, fuerzahuanmi shujtajcunata ayudarca. Marcos 6:30-44-ta liyipai. Qꞌuipaca cai catij tapuicunatami yachashun:
Cai versocunapi nishca shinaca ¿Jesusca ima shinataj shujtajcunamanta preocuparishcata ricuchirca? (Verso 31, 34, 41 y 42-ta ricui).
¿Jesusca imamantataj gentecunata ayudarca? (Verso 34-ta ricui).
Jesusca paipaj Yaya ima laya cashcatami ricuchirca. Shinaca ¿Jehová Diosca ima layataj can?
¿Jesús shina ima shinataj shujtajcunamanta preocupari tucunchij?
6. Jesusca shungumanta cujmi carca
Jesusca ashallata charishpapish shungumanta cujmi carca. Shinallataj ñucanchijpish pai laya cachunmi animan. Hechos 20:35-ta liyipai. Qꞌuipaca cai catij tapuitami yachashun:
Jesús nishca shinaca ¿imata rurashpataj cushilla sintirishun?
VIDEOTA ricui. Qꞌuipaca cai catij tapuitami yachashun:
¿Ñucanchijcuna mana achcata charishpapish ima shinataj shujtajcunaman cui tucunchij?
¿Caita yacharcanguichu?
Bibliapica Jehová Diosta mañacushpaca Jesuspaj shutipi mañachunmi yachachin (Juan 16:23, 24-ta liyipai). Chashnami Jehová Diospaj amigocuna tucushun. Jesús imalla rurashcatapish valichishun.
HUAQUINCUNACA: “Gentecuna sufricujta ricushpaca Diosca mana preocuparinchu” nincunami.
Jesusca paipaj Yaya layami cꞌuyaj, llaquij carca. Shinaca ¿Jehová Diospish ñucanchijmanta preocuparishcataca ima shinataj yachanchij?
YUYARISHUNCHIJ
Jesusca paipaj Yayata, gentecunatapishmi cꞌuyan. Paica paipaj Yaya layami can. Chaimanta Jesusta ashtahuan rijsishpaca Jehová Diostami ashtahuan rijsingui.
Yuyaringapaj tapuicuna
¿Jesuspaj ejemplota catishpaca ima shinataj Jehová Diosta cꞌuyashcata ricuchinchij?
¿Jesuspaj ejemplota catishpaca ima shinataj gentecunata cꞌuyashcata ricuchinchij?
¿Jesús ima laya cashcata yachashpaca paimantaca imatataj ashtahuan munangui?
CAICUNATAPISH RICUI
Jesusmanta yachashpa paipaj ejemplota ima shina cati pudishcata ricui.
“Jesús shina cashunchij” (Jesusca ñan, mana llullaj, causayujmi can, página 317)
Jesuspaj shutipi imamanta Diosta mañana cashcata yachai.
“¿Imamantataj Jesuspaj shutipi mañana canchij?” (Huillaj, 1 de febrero de 2008)
¿Bibliapica Jesús ima laya ñahuita charishcata parlanchu?
¿Jesús huarmicunata ima shina tratashcata ricushpaca imatataj paimanta yachanchij?
“Diosca huarmicunataca achcatami valoran” (Huillaj, 1 de septiembre de 2012)