BIBLIAPI TIYAJ VALISHCA YUYAICUNA | PROVERBIOS 1–6

Jehová Diospi cambaj tucui shunguta churangui

Ñaupa tiempopi Diosta servij shuj runami Diosta mañacun

Jehová Diosca paipi tucui shunguhuan crichunmi munan. Diospi tucui shunguhuan cringapajca paitami mañana canchij. Shinallataj paipaj shuti ima nisha nishcata yachashpaca, paipaj nishcacunata pajtachi tucushcatami tucui shunguhuan crishun. Proverbios capítulo 3-pica Jehová Diosca: ‘Cambaj tucui shunguta ñucapi churajpica cantaca alli ñanta pushasha’ ninmi.

¿Yuyaisapa tucushcacunaca imatataj rurancuna?

Pr 3:5-7

Ima decisioncunata agllagrishpaca Diospaj ayudata mana mashcancunachu.
Paicunapaj yuyashcapi, shujtajcuna nishcapimi ashtahuan crincuna.

¿Diospi shunguta churajcunaca imatataj rurancuna?

Diospaj alli amigo tucuncuna, Bibliatami estudian, leyishcapipish cutin cutinmi yuyan, paitapish mañancuna.
Shuj decisionta manaraj agllashpaca Jehová Dios imata yuyashcatami Bibliapi ricuncuna.

**¿ÑUCACA IMA SHINATAJ DECISIONCUNATA AGLLANI?**
PUNTAPICA ñucapaj ima ashtahuan alli cashcata yuyashpami agllani.	PUNTAPICA Bibliata estudiashpa, alli decisionta agllangapajmi Diosta ayudachun mañani.
QꞌUIPACA ñuca agllashca decisionta Dios bendiciachunmi mañani.	QꞌUIPACA Bibliapi Dios mandashca shinami imatapish rurani.