JESÚS SHINA CAUSASHUNCHIJ
Jesuspaj yachacujcunata rurangapajca gentecunaman huillashpa yachachina canchij
Jesusca “richij ñuca yachacujcunata ruraichij” nircami (Mt 28:19). Jesús mandashcata pajtachingapajca gentecunaman huillashpa yachachina canchij. ¿Ima shinataj alli huillaj, alli yachachijpish cai tucuni? nishpami tapurina canchij.
HUILLASHPA
Gentecuna ñucanchijman cꞌuchuyachun shuyanapaj randica alli shungu gentecunatami mashcana canchij (Mt 10:11). ¿Huillacushpaca gentecunahuan ñancunapi, plazacunapi tupashpaca tucuicunamanchu huillanchij? (Hch 17:17). Lidia shuti huarmica apóstol Pablo huillashcata uyashpami Jesusta catij tucurca (Hch 16:13-15).
“Muyutaca tutamantapish tarpuilla, chishitapish ama samaricuichu” (Ec 11:6).
‘HUILLANATA AMATAJ SAQUISHUNCHIJ’: MAIPI CASHPAPISH HUILLASHPA, HUASIN HUASIN HUILLASHPA NISHCA VIDEOTA RICUSHCA QꞌUIPACA CAI TAPUICUNATA CUTICHI:
¿Samuelca ima shinataj Diosmanta huillanata mana saquishcataca ricuchirca?
¿Imamantataj carritocunahuan, telefonopi o huasin huasin huillangapaj esforzarina canchij?
¿Imata ruracushpapish picunamantaj Diosmantaca huillai tucunchij?
YACHACHISHPA
Jesuspaj yachacujcuna tucuchunca mana publicacioncunallata gentecunaman saquina canchijchu. Ashtahuanpish cutin cutin visitashpami Bibliamanta yachachina canchij (1Co 3:6-9). Pero Bibliamanta yachachingapaj esforzarijpipish Diosta mana sirvijpica, ¿imatataj rurai tucunchij? (Mt 13:19-22). Alli shungu gentecunatami mashcashpa catina canchij (Mt 13:23; Hch 13:48).
“Ñucaca tarpurcanimi, Apolosca yacutami churarca, ashtahuanpish huiñachijca Diosmari” (1Co 3:6).
‘HUILLANATA AMATAJ SAQUISHUNCHIJ’: CARRITOCUNAHUAN MESACUNAHUAN HUILLASHPA, SHUJTAJCUNAPISH DIOSTA SIRVICHUN AYUDASHPA NISHCA VIDEOTA RICUSHCA QꞌUIPACA CAI TAPUICUNATA CUTICHI:
¿Salomonpish Mariapish Diospaj shimitaca ima shinataj Ezequielpaj Abigailpaj shungupi muyuta shina tarpurcacuna?
¿Imamantataj carritocunahuan, telefonopi o huasin huasin huillana canchij?
¿Diospaj Shimita yachachishpa catingapajca imatataj rurana canchij?