¿Mana ricuipaj Diostaca pai rurashcacunapi ricunguichu?

Shuj sumaj sisata, jahua pachapi luzerocunata o dimastij bullarishpa yacu pajchacuj cascadata ricushpaca ¿tucuita rurai tucuj rurashcata ricunguichu? Dios rurashcacunaca pai ima laya cashcata, achcata cꞌuyaj cashcatami ricuchin (Ro 1:20). Pai rurashcacunata ricushpa, chaicunapi cutin cutin yuyashpaca Diosca poderyuj, cꞌuyaj, yachaj, cashcata ruraj, mana mitsa cashcatami cuentata cunchij (Sl 104:24).

Jehová rurashcacunataca ¿maijantataj cada punlla ricungui? Can pueblopi causashpapish pajarocunata, yuracunata ricui tucunguimi. Ashtahuancarin Jehová rurashcacunata alli ricushpaca shungupimi tranquilo sintiri tucunchij. Ñucanchij llaquicunamantapish ama yalli sustarichunmi ayudan. Shinallataj Yaya Dios ñucanchijta huiñaita cuidai tucushcapi shungumanta crichunmi ayudan (Mt 6:25-32). Can huahuacunata charishpaca ni pihuan mana igualaipaj Jatun Dios ima laya cashcata ricuchun ayudai. Dios rurashcacunata ashtahuan valorashpami, Diospajman ashtahuan cꞌuchuyashun (Sl 8:3, 4).

DIOSPAJ SUMAJ RURASHCACUNACA PAITAMI JATUNYACHIN: LUZPISH, COLORPISH VIDEOTA RICUSHCA QꞌUIPA CAI TAPUICUNATA CUTICHI:

• ¿Imataj colorcunata ricuchin?

• ¿Imamantataj brillacuj colorcunata ricunchij?

• ¿Imamantataj jahua cielopica chꞌican chꞌican colorcunata ricunchij?

• ¿Jehová rurashca sumaj colorcunamantaca maijantataj ashtahuan munangui?

• ¿Imamantataj Diospaj sumaj rurashcacunata alli ricungapaj tiempota llujchina canchij?