JESÚS SHINA CAUSASHUNCHIJ
Ama shaicushpa chaparashpa catirai
¿Diospaj Mandanataca mashna tiempotataj shuyacungui? ¿Llaquicunahuan cashpapish mana shaicushpachu shuyacungui? (Ro 8:25). Huaquin Diosta alli sirvijcunaca shujtajcuna pꞌiñashca, maltratashca, carcelashca, hasta huañuchishami nishpa amenazacunatami chꞌimbapuracuncuna. Shujtajcunaca millai ungüicunata o yuyajyashpa fuerza illaj saquirina llaquicunatami chꞌimbapuracuncuna.
¿Ñucanchij ima llaquicunata apacushpapish, mana shaicushpa shuyachunca imataj ayudanga? Diospaj Shimitami cada punlla liyina, liyishcapi cutin cutin yuyana canchij. Chashnami ñucanchij feta sinchiyachishun. Shinallataj Dios cusha nishcacunapimi yuyashpa catina canchij (2Co 4:16-18; Heb 12:2). Jehová Diostami shungumanta rogarishpa paipaj sinchiyachij espíritu santota cuchun mañana canchij (Lu 11:10, 13; Heb 5:7). Jatunta llaquij Yaya Diosca cushicushpa, ‘mana pꞌiñarishpa’ ahuantachunmi ayudai tucun (Col 1:11).
AMA SHAICUSHPA CALLPASHUNCHIJ: PREMIOTA JAPINAPI SHUNGUTA CHURASHPA NISHCA VIDEOTA RICUSHCA QꞌUIPA CAI TAPUICUNATA CUTICHI:
¿Ima llaquicunataj mana yuyashcapi ñapish japi tucun? (Ec 9:11, 12).
¿Llaquicunahuan cashpa Diosta mañanaca ima shinataj ayudan?
¿Jehová Diosta ñaupa shina mana sirvi tucushpapish imamantataj ñucanchij rurai tucushcapi yuyana canchij?
Premiota japinapi shunguta churashpa catirai.
¿Dios cusha nishca premiota japinataj cashcapi shunguta churashpa catichunca imataj ayudan?