Tratadocunahuan huillashunchij

2018 huatamantami Tandanacuipi yachana pꞌangapica ima shina parlanacunata yachangapaj huaquin yuyaicuna llujshishca. Shinallataj publicacioncunata saquinapaj randica Bibliallahuan huillachunmi animashca. Bibliallahuan huillanata yachangapajca tauca videocunami llujshishca. Shinapish, ¿huasin huasin huillacushpaca nachu ni shuj publicacionta saqui pudinchij? Saqui pudinchijmi. Por ejemplo, tratadocunahuanmi huasiyujhuan parlai callari tucunchij. Tratadocunahuan huillangapajca caicunatami rurai tucungui:

1. Página 1-pi ricurij tapuita rurai. Qꞌuipaca huasiyuj shuj respuestata agllachun saqui.

2. Página 2-pi jahuaman tiyaj versota ricuchi. Huasiyuj tiempota charijpica chai versota liyishpa tratadopi imalla nicushcata intindichi.

3. Huasiyujman tratadota saqui. Shinallataj chai tratadota liyipangui nishpa animai.

4. Manaraj rishpaca último paginapi ricurij tapuita saqui. Chai tapuita Bibliahuan contestangapajmi shujtaj punlla shamui tucuni nishpa huillai.

Huasiyujta cutin visitashpaca ima tapuita saquishcata yachachi. Shinallataj, cutin tigrangapaj shujtaj tapuita saqui. JW.ORG paginamanta, o chai tratadopi ricurij publicacionmantami shuj tapuita agllai tucungui. Shinallataj Dios cushca alli huillaicuna nishca folletota o huillangapaj publicacioncunamanta shujta agllashpa saqui.