Millaita rurajcunahuan ama shuj yuyailla tucushunchij

23:1-3

Moisesman cushca leypica Jehová Diosca: “Achcacuna llullacushcallamanta paicunahuan tucushpa llullashpa huillashpa ama llaquipi churangui” nishpami juezcunataca advirtirca. Ñucanchijpish millaicunahuan shuj yuyailla tucushpa millaitaca mana ruranachu canchij. Cai mundopi causaj gentecunaca paicuna shina imatapish rurachun, yuyachunmi munancuna (Ro 12:2).

Millaicuna shina ama cashunchij. Cai catij tapuicunapi yuyashun.

• ¿Ima llullacunata uyashpaca imatataj mana rurana canchij?

• ¿Ima ropata, ima shina allichirinata, ima pugllanacunata agllacushpaca imatataj rurana canchij?

• ¿Shujtaj razamanta gentecunata, cullquiyuj o pobrellacunatapish ima shinataj tratana canchij?