JESÚS SHINA CAUSASHUNCHIJ
Llulla informaciontaca ama piman huillashunchij
Cunan punllacunapica radiopi, televisionpi, periodicocunapi o Internetpimi noticiacunataca rato yachai tucunchij. Pero Diosta sirvijcunaca llulla noticiacunataca mana piman parlasha ninchijchu (Sl 31:5; Éx 23:1). Llulla noticiacunaca shujtajcunatami llaquichi tucun. Chaimanta ima noticia cierto cashcata yachangapajca cai tapuicunapi yuyai:
¿Parlajca ciertotajchu verdadta nicun? Shuj noticiata parlajca manachari tucuita alli yachan. Ima parlopish chꞌican chꞌican gentecuna parlajpica ratomi shujtajyarishpa rin. Chaimantami ima informacionta mana alli yachashpaca mana shujtajcunaman parlana canchij. Congregacioncunata pushajcunacarin imatapish alli ricushpa, alli investigashpami huillana can.
¿Ima uyashcaca pipaj shutitachu yangapi churagrin? Chashna cajpica chaitaca mana parlanachu canchij (Pr 18:8; Flp 4:8).
¿Imata parlajca dimastij exagerashpachu parlan? Pi exagerashpa parlajpica pai parlashca mana cierto cashcatami yuyana canchij.
¡AMA HUASHALLA PARLAICHU! NISHCA VIDEOTA RICUSHCA QꞌUIPACA CAI TAPUICUNATA CUTICHI:
Proverbios 12:18-pi nishca shinaca ¿imamantataj alli yuyashpa parlana canchij?
Filipenses 2:4-ca ¿shujtajcunamanta alli yuyashpa parlangapajca ima shinataj ayudan?
¿Shujtajcunamanta pi mana allita parlai callarijpica imatataj rurana canchij?
¿Shujtajcunamanta manaraj imatapish parlashpaca ima tapuicunapitaj yuyarina canchij?