Mayorlla huarmicunataca mamata shina, jovenlla huarmicunataca panicunata shinami tratana canchij

Bibliapica mayorlla huauqui panicunataca yayata shina, mamata shina tratachunmi yachachin. Shinallataj jovenlla huauqui panicunataca huauquita shina, panita shina tratachunmi yachachin (1 Timoteo 5:1, 2-ta liyipai). Huauquicunacarin panicunataca respetohuan, cꞌuyaihuanmi tratana can.

Huauquicunaca paicunapaj nishcacunahuan, ruraicunahuanca panicunata ama mana alli sintichingapajmi cuidarina can (Job 31:1). Shinallataj soltero huauquica soltera panihuan mana cazaranata munashpaca mana degana molestanachu can.

Panicuna respetohuan imata tapujpi o imata allichichun nijpica ancianocunaca respetohuan, cꞌuyaihuanmi ayudana can. Solteracuna, viudacunaca mana cusata charinchu. Chaimantami ancianocunaca paicunata ashtahuan cuidana can (Rut 2:8, 9).

CONGREGACIONPI CꞌUYAITA RICUCHISHUNCHIJ: VIUDACUNAMAN, YAYA MAMA ILLAJCUNAMAN NISHCA VIDEOTA RICUSHCA QꞌUIPACA CAI TAPUICUNATA CUTICHI:

• 

  ¿Pani Myintmanca huauqui panicunaca ima shinataj cꞌuyaita ricuchircacuna?

• 

  ¿Huauqui panicuna cꞌuyaita ricuchijpica vecinocunaca imatataj nircacuna?

• 

  ¿Pani Myintta huauqui panicuna cꞌuyaihuan ayudajpica paipaj ushushicunaca ima shinataj sintirircacuna?

¿Congregacionpica ima shinallataj panicunataca cꞌuyaihuan ayudana canchij?