Bibliamanta yachacujcunata mana alli ruraicunata saquichun

Dios munashca shina causashpaca paipaj amigocunami cai tucunchij (1Pe 1:14-16). Bibliamanta yachacujcunapish Dios munashca shina causashpaca paicunapaj familiacunahuanmi cushilla causangacuna, saludpipish allimi sintiringacuna, cullquitapish mana yanga gastangacunachu.

Chaimantami yachacujcunamanca Jehová Diospaj mandashcacuna ima shina ayudai tucushcata yachachina canchij. Chashnami paicunapaj yuyaicunata cambiashpa Diosta cazungacuna (Ef 4:22-24). Shinallataj Diospaj ayudahuan paicunapish mana allicunata saqui tucunatami yachachina canchij (Flp 4:13). Tentacioncunamanta caruyangapaj Jehová Diosta mañana importante cashcatapishmi yachachina canchij. Mana allicunata saquishpa, alli cosascunata rurachunpishmi animana canchij. Chashna yachachijpica Jehová Diosmi Bibliamanta yachacujcunata cambiachun ayudanga. Paicuna cambiajpica ñucanchijpish cushillami sintirishun.

BIBLIAMANTA YACHACUJCUNATA MANA ALLI RURAICUNATA SAQUICHUN AYUDAI NISHCA VIDEOTA RICUSHCA QꞌUIPACA CAI TAPUICUNATA CUTICHI:

• 

  ¿Pushaj ancianocunapish, Ritapish ima shinataj Coralpi confiashcata ricuchircacuna?

• 

  ¿Ritaca ima shinataj Coralta ayudashpa catirca?

• 

  ¿Coralca ima shinataj Diospaj ayudata mashcarca?