JESÚS SHINA CAUSASHUNCHIJ
¿Redes socialespica ima laya amigocunatataj charingui?
Shuj alli amigoca paipaj amigocunataca achcatami cꞌuyan. Por ejemplo, David, Goliatta huañuchishca qꞌuipami Jonatanca paipaj alli amigo tucurca. Paicunaca alli rijsinacushcamanta, alli cualidadcunata charishcamantami alli apanacurcacuna (1Sa 18:1). Ñucanchijpish alli amigocunata charingapajca paicunatami alli rijsina canchij. Chaipajca tiempo, esfuerzomi minishtirin. Pero redes socialespica gentecunaca ratomi amigoscunata charincuna. Redes socialespica huaquincunaca alli layami ricurincuna. Pero paicuna ima shina cashcataca pacancunami. Chaimantami internetpi picunahuan parlacushcataca alli ricuna canchij. Redes socialespi mana rijsishcacuna, cambaj amigo cangapaj shuj solicitudta cachajpica mana chasquinachu cangui. Mana chasquishcamantapish mana llaquirinachu cangui. Huaquincunacarin redes socialescunata mana utilizanatami decidishcacuna. ¿Pero can redes socialescunata utilizacushpaca imatataj yachana cangui?
ALLI YUYASHPA INTERNETTA UTILIZAI NISHCA VIDEOTA RICUSHCA QꞌUIPACA CAI TAPUICUNATA CUTICHI:
¿Redes socialespi fotocunata churagrishpa o imata escribigrishpaca imapitaj yuyana cangui?
¿Redes socialespica amigocunataca imamantataj alli agllana cangui?
¿Imamantataj redes socialespica mana yallitaj pasana cangui? (Ef 5:15, 16).