¿Pꞌiñarishca gentecuna protestangapaj jatarijpica ima shinataj cuidarishun?

Cai llaqui punllacuna ña tucurinapajca ashtahuan macanacuicuna, terrorismomi tiyanga. Pꞌiñarishca gentecunapishmi ashtahuan jataringacuna (Ap. 6:4). ¿Chai problemacunahuan chꞌimbapurangapajca ima shinataj allichirina canchij?

• Espiritualmente sinchi cashunchij. Jehovapi, paipaj organizacionpi confiangapaj, politicapi ama chagruringapajca Bibliapi tiyaj consejocunata estudiashpa catishunchij (Pr 12:5; jr-S págs. 125, 126 párrs. 23, 24). Cunanmanta huauqui panicunahuan alli amigos tucungapajpish esforzarishunchij (1Pe 4:7, 8).

• Llaqui manaraj japijpi imata ruranata yuyashunchij. Por ejemplo, huasipi seguro saquiringapaj imata ruranata yuyai. Shinallataj minishtirishca micunata huaquichishcata chari. Cutin huasimanta llujshishcahuan rina cashpaca imata ruranata alli yuyai. Rato llujshingapajpish maletapica guantescunata, mascarillacunata, cullquita, shujtaj minishtirishca cosascunatapishmi churashcata charina cangui. Shinallataj cunanmantami ancianocunamanca cambaj datocunata cuna cangui. Canpish ancianocunapaj datocunatami charina cangui (Is 32:2; g17.5-S págs. 3-7).

• Pꞌiñarishca gentecuna protestangapaj jataricushpaca caita rurai. Diosta adorashpa, paimanta yachashpa cati (Flp 1:10). Mana shujtaj ladoman rina cashpaca huasillapitaj saquiri (Mt 10:16). Micunata, can imalla charishca cosascunata shujtajcunaman convidai (Ro 12:13).

¿LLAQUICUNAHUAN CHꞌIMBAPURANGAPAJCA ALLICHIRISHCACHU CANGUI? NISHCA VIDEOTA RICUSHCA QꞌUIPACA CAI TAPUICUNATA CUTICHI:

• ¿Llaquicuna tiyai horaspica ima shinataj Jehová Diosca ñucanchijta ayudanga?

• ¿Allichirishca cangapajca imacunallatataj rurana canchij?

• ¿Shujtajcuna llaqui horaspi cajpica ima shinataj ayudana canchij?