JESÚS SHINA CAUSASHUNCHIJ
Yallitaj ancha cai horaspaj preparari
¿Chaipajca imamantataj prepararina canchij? Huaquinpica ñapishmi llaqui atrazoca rato japi tucun. Chaimantami doctorcuna ñucanchijta alli atindichun cunanmanta prepararina canchij. Chashnami ñucanchij causaita respetashcata ricuchishun, Jehová Dios yahuarta ama churarichun nishcatapishmi cazushun (Hch 15:28, 29).
¿Prepararingapajca imatataj rurana cangui?
Yayitu Diosta mañashpa, alli yuyashpa doctorcuna yahuarta ama churachunmi DPA nishca documentota jundachina cangui.a Cambaj huahuacunaman yahuarta ama churachunpishmi Tarjeta de Identidad nishca documentota jundachi tucungui (ic). Cai documentocunataca congregacionpi publicacioncunata cuj huauquitami mañai tucungui.
Can chichu cashpaca Información para mujeres embarazadas nishcatami ancianocunata mañai tucungui (S-401). Chai informacionca chichu cai horaspaj, huahuata ungüi horaspaj alli decisioncunata agllachunmi ayudanga.
Can ima tratamientota minishtishpa, operachun minishtishpa, hospitalpi achca tiempota saquirinata yachashpaca ancianocunamanmi huillana cangui. Hospitalpica doctorcunaca tal vez canta yahuarta churachunmi ningacuna. Chaimantami hospitalpica “ñucata ayudangapajmi huaquin Testigocuna shamunga” nishpa huillana cangui.
¿Ancianocunaca cantaca ima shinataj ayudai tucuncuna? Paicunaca DPA nishca documentota jundachichunmi ayudai tucun. Shinapish ancianocunaca canmantaca imatapish mana decidingacunachu, paicuna yuyashcatapish can pajtachichunca mana ningacunachu (Ro 14:12; Gál 6:5). Doctorcuna yahuarta canta churasha nishcata ancianocunaman huillajpica paicunaca Comité de Enlacepi sirvij huauquicunamanmi cayangacuna.
¿Comité de Enlace con los Hospitalespi sirvij huauquicunaca ima shinataj ayudancuna? Chai huauquicunaca alli preparashcacunami can. Paicunaca doctorcunaman, shujtajcunaman yahuarmanta Testigocuna imata yuyashcatami parlai tucuncuna. Shinallataj yahuarta ama churashpa shujtaj tratamientocuna tiyashcatapishmi parlai tucuncuna. Mana cashpaca ñucanchij crishcacunata respetaj doctorta mashcashpami ayudai tucuncuna.
ANCHA CAI HORASPI CANTA YAHUARTA AMA CHURACHUNCA CUNANMANTA PREPARARI NISHCA VIDEOTA RICUSHCA QꞌUIPACA CAI TAPUITA CUTICHI:
¿Cai videopi ricushca shinaca llaqui horaspi doctorcuna yahuarta ama churachunca imallatataj rurana canchij?
a Yahuarmanta ashtahuan yachangapaj, alli decisioncunata agllanata yachangapajca Cushilla causai nishca libropaj yachai 39-pimi ashtahuan ricui tucungui.