Imata yachagrishcata ricushun

Huaquinpica, “¿imamantashi Diosca ñuca mañashcacunataca mana uyan?” nishpachari tapurishcangui. Pero, mana canllachu chashna tapurishcangui. Achca gentecunami Yaya Dios ayudachun mañashcacuna. Shinapish paicunapaj problemacunaca mana chingarishcachu. Cai revistapimi Yaya Dios ñucanchij mañashcacunata uyaj cashcata yachashun. Shinallataj imamanta maijan mañashcacunata mana cutichishcata, Dios ñucanchijta uyachun ima shina mañana cashcatami yachashun.