Experienciacuna

Tucuicunata llaquishcata ricuchishpaca bendicioncunatami chasquishun

Nueva Zelandamanta shuj panica Caishujhuan chaishujhuan llaquinacushunchij nishca videotami shuj punlla ricurca. Chai videopica Jehová Dios llaquishcata, ayudaj cashcatapishmi cuentata curca (Isaías 63:​7-9). Chaimi shujtajcunata ayudanata decidirca. Chai punllallatajmi micunata randingapaj llujshirca. Chaimi callepi causaj shuj huarmita ricurca. Paiman micunata randishpa cunatami munarca. Ña randishpa tigrajpica chai huarmiman Jehovamanta huillangapajmi aprovecharca. Paimanca ¿Llaquilla causaica tucuringachu? nishca tratadotami curca.

Cai tratadota cujpica cai huarmica huacai callarircami. Paica, “uchillamantapachami Jehovata Diosta rijsircani. Pero achca huatacunatami congregacionmanta caruyashcani. Pero Jehová Diostami mañacushcani cutin tigrangapaj” nircami. Chaimi cai panica shuj Bibliata cushpa cutin estudiangapaj saquirircacuna.a

Ñucanchijpish Jehová shinami shujtajcunata cꞌuyashcata ricuchi tucunchij. Por ejemplo, ñucanchij familiacunaman, congregacionpi caj huauqui panicunamanpishmi cꞌuyaita ricuchi tucuchij. Shinallataj maipi cashpapish Jehová Diosmanta predicashpami cai cualidadta ricuchi tucunchij.