Llaquichijpipish ahuantashpa catishunchij

José imacunallata chꞌimbapurana cashcata yachangapajca Génesis 37:​23-28; 39:17–23-ta liyipai.

Ima tucucushcata alli intindi. ¿Josetaca imamantataj mana alli tratai callarircacuna? (Génesis 37:​3-11; 39:​1, 6-10). ¿Joseca mashna huatacunatataj ahuantana carca? (Génesis 37:2; 41:46). José achca llaquicunata charijpipish Jehová Diosca ¿ima shinataj ayudarca? ¿Pero paita ayudashpapish Jehová Diosca imatataj mana rurarca? (Génesis 39:​2, 21; w23.01 pág. 17 párr. 13).

Ashtahuan informacionta mashcai. Potifarpaj huarmica ‘Joseca ñucahuanmi siririsha nirca’ nishpami llullarca. ‘Potifarpaj huarmica llullacunmi’ nishpa José difindirishcataca Bibliapica mana ninchu. ¿Joseca imamantashi upalla saquirirca? ¿José imalla rurashcataca Bibliaca imamantataj mana tucuita huillan? Chaita yachangapajca catij versocunata ricui: Proverbios 20:2; Juan 21:25; Hechos 21:37. ¿Joseca llaquicunata ahuantangapajca ima cualidadcunatataj minishtirca? (Miqueas 7:7; Lucas 14:11; Santiago 1:​2, 3).

Imata yachai tucushcata, ima shina pajtachi tucushcata yuyai. Cashna tapuri:

• ¿‘Jesuspaj catijcuna cashcamantaca’ ñucanchijhuanpish imataj tucunga? (Lucas 21:​12, 16, 17; Hebreos 10:​33, 34).

• ¿Shamuj punllacunapi llaquicunata ahuantangapajca cunamantaca ima shinataj allichiri tucunchij? (Salmo 62:​7, 8; 105:​17-19; w19.07 págs. 2-7).