¿Shujtajcuna chayarichun inquitajpica imatataj rurana cani?

21 huatacunata charij Elaineca: “Escuela o colegiopica maijancunaca pihuan chayarishcatami parlajcuna carca. Chaita uyashpaca tucuicunami chaillatataj rurasha nijcuna carca. Compañerocunamantaca mana pi diferente casha ninchu” ninmi.

Shujtajcunapajca pihuan chayarinaca normalmi can. ¿Chaimantachu canpish chaillatataj ruranata munashcangui?

¿Cambaj enamorado o enamoradaca paihuan chayarichunchu mañashca?

Shujtajcuna chayarichun inquitajpi o canllataj chayarina munaicunata charishpaca cai yachaipi tiyaj alli yuyaicunata catishpami alli decisioncunata agllai tucungui.

• Chayarinamanta ima llulla cashcata, ima verdad cashcata yachashun

• ¿Pi chayarichun inquitajpica imatataj rurana cangui?

• ¿Shujtaj jovencunaca imatataj yuyan?

Chayarinamanta ima llulla cashcata, ima verdad cashcata yachashun

LLULLA: Tucuicunami pihuan chayarishcacuna. Ñucallami mana pihuan chayarishcani.

VERDAD: 18 huatacunata charij jovencunatami shuj encuestata rurarcacuna. Cada quimsa jovencunamantaca ishquimi ña pihuan chayarishcata nircacuna. Cai encuestapi ricuchishca shinaca mana tucui jovencunachu maijanhuan chayarishcacuna.

LLULLA: Enamoradohuan o enamoradahuan chayarishpaca ashtahuanmi cꞌuyanacunguichij.

VERDAD: Huaquin jovencunaca paicunapaj enamoradacuna paicunahuan chayarichunmi chai llullata nincuna. Pero achca jovencunaca ña paicunahuan siririshca qꞌuipaca shitashpami rincuna. Chaimi solteracunaca pꞌiñarishpa, ñucaca de verdadmi cꞌuyanga nishpami yuyarcani nincuna.a

LLULLA: Bibliapica chayarinaca mana allichu can ninmi.

VERDAD: Bibliapica chayarina alli cashcatami nin. Pero, cazarashca cusa huarmilla chayarichunmi mandan (Génesis 1:28; 1 Corintios 7:3).

LLULLA: Bibliapi mandashcacunata cazushpaca nunca mana cushilla causashachu.

VERDAD: Manaraj cazarashpa pihuan chayarishpaca llaquilla, arrepentidomi sintiringui. Pero cazarangacama mana pihuan chayarishpaca cushillami sintiringui.

Yuyari: Cazarangacama mana pihuan chayarinaca mana ima daño canchu. Pero manaraj cazarashpa chayarinami dañota ruran.

¿Pi chayarichun inquitajpica imatataj rurana cangui?

• Ima alli cashcata, ima mana alli cashcata allimi yachana cangui. Bibliapi nishca shinaca alli yuyaiyujcunaca ‘ima alli cashcata, ima mana alli cashcata agllana yuyaillami’ cancuna (Hebreos 5:14). Paicunaca Bibliapi ima mandashcata alli yachashcamantami shujtajcuna ima mana allita rurachun nishpa pandachichunca mana saquincuna.

  16 huatacunata charij Aliciaca: “Shujtajcuna ñucata respetachun allicunata rurangapajmi achcata esforzarini. Chaimantami mana alli ruraicunamantaca siempre caruyani” ninmi.

  Caipi yuyai: ¿Gentecuna canmanta imata yuyachuntaj munangui? ¿Maijanta cushichingapajllachu mana allicunata ruranguiman?

• Ima llaqui tucuna cashcata yuyai. Bibliapica: “Maijan imata tarpujca, chaillatatajmi tandanga” ninmi (Gálatas 6:7). Manaraj cazarashpa chayarishpaca canpish, cambaj enamorado o cambaj enamoradapish ima shina sintirinata, ima llaquicunata charinata yuyai.b

  16 huatacunata charij Siennaca: “Manaraj cazarashpa chayarijcunaca llaquilla, arrepentidos, paicunata mana cꞌuyashcata shinami sintincuna. Huaquinpicarin solteracunaca mana munashcami chichu saquirincuna. Incluso shuj millai ungüitami chari tucuncuna” ninmi.

  Caipi yuyai: Smart Sex (Sexo inteligente) nishca libropica cai tapuicunatami ruran: “¿Cambaj amigocuna mana allicunata rurachun nijpica paicunahuan apanacushpa catinaca allichu canga? ¿Paicunapaj consejocunata uyanapish allichu canman?”.

• Chayarinamantaca caitami yachana cangui. Bibliapica cazarashcacuna chayarinacushpa cushicui tucushcatami ricuchin (Proverbios 5:18, 19). Chaimantami chayarinaca mana malo cashcata ni tucunchij.

  17 huatacunata charij Jeremyca: “Yaya Diosca cusa huarmicunalla chayarinacushpa cushicuchunmi rurashca. Chaimantami matrimoniota callarichirca” ninmi.

  Caipi yuyai: Shuj punlla can cazarashpaca cambaj huarmihuan o cambaj cusahuanmi chayarishpa cushicui tucungui. Chashnami mana allita rurashcanichu nishpa mana arrepentido sintiringui.