Achca valij perlatami tarishcacuna

Jesusca Diospaj Gobiernomi tucui llaquicunata tucuchina cashcata yachachirca (Mateo 6:10). Mateo 13:44 al 46-pica Diospaj Gobiernomanta yachachishcacuna valishca cashcata ricuchingapajca Jesusca ishqui chꞌimbapuraimantami parlarca.

• Shuj runaca campopi trabajacushpaca allpapi pacashca tiyacuj yallitaj valishca charinacunatami japirca.

• Sumaj perlacunata mashcashpa purij comercianteca yalli valishca perlatami japirca.

Cai ishqui runacunaca chai valishca cosascunata randingapajmi paicunapaj tucui charishcacunata cꞌaturcacuna. Achca gentecunaca cai ishqui runacuna layami can. Paicunaca Diospaj Gobiernota valorashcamanta, Dios cusha nishca bendicioncunata chasquisha nishcamantami tucuita saquishpa cai Gobiernota apoyangapaj esforzarincuna (Lucas 18:29, 30). Cai catij videopica shuj huauquipaj, shuj panipaj historiamantami yachashun. Paicunaca Jesús parlashca ishqui runacuna shinami carca.