¿Rurashcalla dioscunata adoranachu canchij? | ¿Bibliaca imatataj yachachin?

Catholic News Service nishca agencia católica de noticiaspica 25 de marzo de 2022 huatapi Basílica de San Pedro nishcapi shuj tandanacui tiyashcatami huillarca. Chaipimi papa Franciscoca virgen Mariapaj ñaupajpi shayarishpa, ñahuicunata huichcashpa, cumurishpami paipaj shungu ucullapi sumaj causai tiyachun nishpa mañarca. Vatican News internet paginapi nishca shinaca papa Franciscoca virgen Mariatami tucui gentecuna, especialmente Rusia y Ucrania llajtamanta gentecuna sumajta causachun nishpa mañarca.

¿Imatataj yuyangui? ¿Santocunata mañanaca allichu can? ¿Diosta adorangapaj santocunata utilizanaca allichu can? Bibliapi ima nishcata ricushun:

• “Ama santocunata ruranguichijchu. Jahua pachapi cajcunaman, cai allpapi cajcunaman o yacu ucupi cajcunaman ima rijchajtapish ama ruranguichijchu. Chaicunapaj ñaupajpica ama cunguringuichijchu. Chaicunataca ama sirvinguichijchu. Ñucaca Jehová Diosmi cani. Ñucallata adorachun munaj Diosmi cani” (Éxodo 20:4, 5, La Biblia. Traducción del Nuevo Mundo, NWT).a

• “Paicunapaj dios nishcacunaca cullquihuan, curihuan rurashcallacunamari. Runacunapaj maquihuan rurashcallamari. Shimita charishpapish, mana rimancunachu. Ñahuita charishpapish, mana ricuncunachu. Rinrinta charishpapish, mana uyancunachu. Singata charishpapish, mana mutquincunachu. Maquita charishpapish mana imata japincunachu. Chaquita charishpapish, mana purincunachu. Cungata charijpipish ima rimashca mana uyarinchu. Chaicunata rurajcunaca chaicunallamantaj rijchajcunami. Chai dioscunapi shunguta churajcunapish chaicuna shinallatajmi” (Salmo 115:4-8).

• “Ñucaca Jehovami cani. Chaimi ñuca shutica. Ñuca shina jatun canataca, pi shujtajman mana cushachu. Ñucapaj randi rurashcalla dioscunata alabachunpish manataj saquishachu” (Isaías 42:8, NWT).

• “Rurashcalla dioscunata adoranamanta caruyaichij” (1 Corintios 10:14).

• “Rurashcalla dioscunamanta caruyaichij” (1 Juan 5:21).

Yaya Diosta adorangapaj santocunata utilizana o mana utilizana cashcata ashtahuan yachasha nishpaca “El punto de vista bíblico: Las imágenes” nishca temata españolpi liyi. Mana cashpaca ¿Diosca santocunahuan adorachun munanchu? nishca videota ricui.

Shinallataj Bibliapi cai temacunamantapish ima nishcata ricui:

• “¿Qué dice la Biblia sobre la virgen María?”

• “¿Debería usted rezarle a la virgen María?”

• “¿Son señales de Dios los milagros y apariciones?”

• “¿Cai Allpapica ima shinashi tranquilo causai tiyanga?”

Photo credit: Vincenzo Pinto/AFP via Getty Images