¿Testigo de Jehovacunaca imamantataj cruzta mana utilizanchij?

Achca gentecunaca Jesusta catijcuna cashcata ricuchingapajca cruztami utilizancuna. Testigo de Jehovacunaca Jesustami catinchij. Shinapish cruztaca mana utilizanchijchu. ¿Imamantataj mana utilizanchij?

Bibliapica Jesús shuj cruzpi huañushcataca mana yachachinchu. Ashtahuanpish shuj caspipi huañushcatami yachachin. Griego rimaipi “cruz” shimica “caspi” nisha ninmi (Hechos 10:39). Shinallataj Bibliapica Jesusta catijcunataca: “Rurashcalla diosta adorajcunamanta caruyaichij” ninmi. Shinashpaca cruzta utilizashpaca yanga diosta adoracuj layami cashun (1 Corintios 10:14; 1 Juan 5:21).

Jesusta alli catijcuna cashcata ricuchingapajca ¿imatataj rurana canchij? Jesusllatajmi: “Caishuj chaishuj cˈuyanacujpimi, cancunataca ñuca yachacujcunataj cashcata tucuicuna rijsingacuna” nircami (Juan 13:34, 35). Shinaca Jesusta alli catijcuna cashcata ricuchingapajca cruzta mana utilizanachu canchij. Chaipaj randica shujtajcunata shungumanta cˈuyaj cashcatami ricuchina canchij.