Nota

a Jesús huañushcata yuyarina tandanacui manaraj chayajpi, chai tandanacui pasashca huashapish Jesuspaj causaipi, Jesuspaj huañushcapipishmi yuyana canchij. Jehová Diospish, Jesuspish ñucanchijta achcata cꞌuyashcatapishmi yuyarina canchij. Chaita rurashpaca Jehová Diosta, Jesustapish agradicina munaitami charishun. Cai yachaipica paicunata agradicingapaj, paicunata cꞌuyashcata ricuchingapajpish imallata rurana cashcatami yachashun. Shinallataj ñucanchij huauqui panicunata cꞌuyashcata ricuchingapaj, mana manchaj cangapaj, Yayitu Diosta cushilla sirvingapajpish imallata rurana cashcatami ricushun.