4:10-15

Jehová Dios ayudajpimi Moisesca manchaita saquirca. ¿Jehová Dios Moisesman ima nishcamantaca imatataj yachacunchij?

• Imata mana rurai tucushcapica mana yallitaj yuyanachu canchij.

• Jehová Dios pai mingashcata pajtachichun ñucanchijta ayudanatami seguro cai tucunchij.

• Jehovapi confiashpaca runata manchanatami saquishun.

Callaripica Moisesca Dios mingashcata mana pajtachi pudinatami yuyarca (Éx 4:10, 13). ¿Canpish chashnachu sintirishcangui? Testigo de Jehovacunahuanchari Bibliata yachacungui. Chaimanta, ¿huasin huasin huillai tucushachu nishpa tapurishcanguichu? ¿Joven cashpaca escuelapi predicanata manchanguichu? ¿Predicación publicapi participanata, telefonopi cayashpa huillanata manchanguichu? Chashna cajpica Jehová Dios paipaj espirituta cushpa ayudachun mañai (1Pe 4:11). Jehová Diosca pai mingashcata pajtachichunca ima minishtishcata cushpami ayudanga (Éx 4:11, 12).