• ¿Yaya Diosca ima shinataj can?
    Huiñai huiñaita cushilla causai Bibliamanta yachai

    • 2. ¿Jehová Diosca ima shinataj can?

      Jehová Diosta mana ricui tucushpapish pai ima shina cashcata yachashpami paita cꞌuyai callarishun. Salmo 37:​28-pica: “Diosca, ima pandata mana rurajtami cꞌuyan. Paipaj agllashcacunataca mana saquinchu” ninmi. Shinallataj Salmo 34:​18-pica: “Diosca shungupi llaquilla cajcunapaj cꞌuchullapimi. Espiritupi llaquilla cajcunata quishpichinmi” ninmi. Cai verso nishca shinaca sufricuj gentecunatacarin Yaya Diosca ashtahuanmi cꞌuyan, llaquin (Santiago 5:​11). Pero ¿ñucanchij rurashcacunahuan Jehová Diosta llaquichij o cushichij cashcata yachashcanguichu? Pi mana allicunata rurajpica Diosca llaquirinmi (Salmo 78:​40, 41). Pero pi allicunata rurajpica Diosca cushicunmi (Proverbios 27:​11-ta liyipai).

  • ¿Jehová Diosta cꞌuyashcataca ima shinataj ricuchinchij?
    Huiñai huiñaita cushilla causai Bibliamanta yachai

    • ¿Jehová Diosta cꞌuyashcataca ima shinataj ricuchinchij?

      ¿Bibliata yachai callarishcamantaca Diospajman ashtahuan cꞌuchuyashcata sintishcanguichu? ¿Paihuan ashtahuan apanacunata munanguimanchu? Jehovata ashtahuan cꞌuyajpica paipish cantaca ashtahuanmi cꞌuyanga, cuidangapish. Pero ¿Jehová Diosta cꞌuyashcataca ima shinataj ricuchingui?

      1. ¿Yaya Diosta cꞌuyashcataca ima shinataj ricuchinchij?

      Jehová Diosta cazushpaca paita cꞌuyashcatami ricuchinchij (1 Juan 5:3-ta liyipai). Pero Diosca paita cazuchunca mana obliganchu. Ashtahuanpish tucuicuna paita cazunata o mana cazunatami agllachun saquin. ¿Imamantataj chaita rurachun saquin? Jehová Diosca ‘shungumanta paita cazuchunmi’ munan (Romanos 6:17). Cai libropi tiyaj parte 3 y 4-pica Jehová Diosta cꞌuyashcata ricuchingapaj imata rurana cashcatami yachangui. Shinallataj pai ima munashcata, ima mana munashcatami yachangui.

      2. ¿Huaquinpica Jehová Diosman cꞌuyaita ricuchinaca imamantataj sinchi can?

      “Cashcata rurajcunapajca achca llaquicunami tiyan” (Salmo 34:19). Tucuicuna juchayuj cashcamantami sufrinchij. Huaquinpicarin cullqui illashcamanta, ñucanchijta mana alli tratashcamanta o shujtaj llaquicunata charishcamantami llaquirinchij. Llaquicunata charishpaca Jehová Diosta sirvishpa catinaca sinchimi can. Pero Jehová Diosta sirvingapaj tucui esfuerzota rurashpami tucuimanta yalli paita cꞌuyashcata ricuchingui. Shinallataj paita tucuipi cazusha nishcatami ricuchingui. Chashna rurajpica paica cantaca manataj saquingachu (Salmo 4:3-ta liyipai).

      ASHTAHUAN YACHAI

      Jehová Diosta cazuna imamanta importante cashcata, paita tucuipi cazungapaj imata rurana cashcata ricushun.

      3. Diabloca cantapishmi juchachishca

      Job libropi nishca shinaca Diabloca Jobtami juchachirca. Pero mana Jobllatachu juchachirca. Tucui Diosta sirvisha nijcunatapishmi juchachirca. Job 1:1, y 1:6-2:10-ta liyipai. Qꞌuipaca cai catij tapuicunatami yachashun:

      • ¿Diabloca imamantataj Jobca Diostaca cazun nirca? (Job 1:9-11-ta ricui).

      • ¿Diabloca tucuicunataca ima nishpataj juchachin? (Job 2:4-ta ricui).

      Job 27:5b-ta liyipai. Qꞌuipaca cai catij tapuitami yachashun:

      • ¿Jobca Jehová Diosta cꞌuyashcataca ima shinataj ricuchirca?

      Diabloca Jehová Diostami juchachicun. Jobca carachacunahuanmi junda can. Diabloca: ‘Jobca achca llaquicunata charishpaca Diostaca ladomanmi saquinga’ nishpami juchachirca. Caipi tiyaj panitapishmi juchachicun.

      Jobca Jehová Diosta tucuipi cazushpami paita cꞌuyashcataca ricuchirca.

      Jehová Diosta cazushpami paita cꞌuyashcataca ricuchinchij.

      4. Jehová Diospaj shunguta cushichi

      Proverbios 27:11-ta liyipai. Qꞌuipaca cai catij tapuicunatami yachashun:

      • ¿Jehová Diosta cazujpi, alli decisioncunata agllajpica paica ima shinashi sintiringa? ¿Imamantataj chashna sintiringa?

      5. Canpishmi Jehová Diosta cazui pudingui

      Jehová Diosta cꞌuyashcamantami paimanta tucuicunaman huillasha ninchij. Sinchi cajpipish paitami tucuipi cazusha ninchij. VIDEOTA ricui. Qꞌuipaca cai catij tapuicunatami yachashun:

      VIDEO: Jarcaicuna tiyajpipish cambaj crishcacunatami difindina cangui (5:09)

      • ¿Cambajca shujtajcunaman Jehová Diosmanta huillanaca sinchichu can?

      • ¿Videopi ricurij huauquica Jehová Diosmanta huillangapaj manchaitaca ima shinataj misharca?

      Jehová Dios imatami pꞌiñashcata pꞌiñashpa, pai imatami cꞌuyashcata cꞌuyashpaca paita sirvinaca ashtahuan jahuallami canga. Salmo 97:10-ta liyipai. Qꞌuipaca cai catij tapuicunatami yachashun:

      • Cunancama Jehová Diosmanta imata yachacushcapi yuyai. ¿Paica imacunallatataj cꞌuyan? Shinallataj ¿imacunallatataj pꞌiñan?

      • ¿Canca ima shinataj allitaca cꞌuyanguiman? Cutin ¿ima shinataj mana allitaca pꞌiñanguiman?

      6. Jehová Diosta cazunaca ñucanchij allipajmi can

      Jehová Diosta tucuipi cazunami alli can. Isaías 48:17, 18-ta liyipai. Qꞌuipaca cai catij tapuicunatami yachashun:

      • ¿Jehová Diosca ñucanchijpaj ima alli cashcataca yachanchu? ¿Imamantataj chashna yuyangui?

      • ¿Bibliamanta yachana, Jehová Diosta ashtahuan rijsinaca ima shinataj cantaca ayudashca?

      HUAQUINCUNACA: “Ñuca ima rurashcaca Diospajca yangami can” nincunami.

      • ¿Jehová Diosta ñucanchij rurashcacunahuan cushichi tucushcata, llaquichi tucushcataca ima versohuantaj ricuchinguiman?

      YUYARISHUNCHIJ

      Sinchi llaquicuna ricurijpipish Jehová Diosta tucuipi cazushpaca paita cꞌuyashcatami ricuchingui.

      Yuyaringapaj tapuicuna

      • ¿Jobpaj causaimantaca imatataj yachashcangui?

      • ¿Jehová Diosta cꞌuyashcataca ima shinataj ricuchingui?

      • ¿Jehová Diosta tucuipi cazungapajca imataj ayudanga?

      Caita rurai

      CAICUNATAPISH RICUI

      Jehová Diostapish, congregacionta pushajcunatapish cazungapaj imata rurana cashcata yachai.

      “Canta cꞌuyajtaca canpish cꞌuyanataca manataj saquinguichu” (16:49)

      Diosta sirvijcunata juchachingapaj Diablo ima llullacuna nishcata yachai.

      “Jobca Diostaca tucuipimi cazurca” (¿Bibliaca imatataj yachachin? Yachai 6)

      Huahuacunapish Jehová Diosta cushichi tucushcata ricui.

      Jehovata cushichi (8:16)

      ¿Jovencunaca jarcaicuna ricurijpipish Jehová Diosta cazushcataca ima shinataj ricuchi tucun?

      Ama shujtajcuna munashcata ruraichu (4:00)