• Alli decisioncunata agllashunchij
    Huiñai huiñaita cushilla causai Bibliamanta yachai

    • 5. Shujtajcunapaj concienciata respetashunchij

      Mana tucuicunachu igual yuyanchij. Chaimantami chꞌican chꞌican decisioncunata agllanchij. ¿Shujtajcunapaj concienciata respetashcataca ima shinataj ricuchinchij? Ishqui ejemplocunata ricushun:

      Ejemplo 1: Shuj panica ñahuita maquillarinata o pintarinatami munan. Pero pai rishca mushuj congregacionpica pai maquillarishcata ricushpaca panicunaca mana alli sintirincunachu.

      Romanos 15:1 y 1 Corintios 10:23, 24-ta liyipai. Qꞌuipaca cai catij tapuicunatami yachashun:

      • Cai versocunapi nishca shinaca ¿cai panica imata ruranatataj decidi tucun? ¿Cambaj conciencia huaquin ruraicunata rurachun saquijpipish shujtajcunapaj concienciata ama llaquichingapajca imatataj ruranguiman?

      Ejemplo 2: Shuj huauquica asha tragota ubyanaca mana jucha cashcatami yachan. Chaita yachashpapish paica mana ubyanatami decidin. Pero shuj punllaca shuj invitaciontami chasquin. Chai invitacionman rishpaca huauquicuna asha tragota ubyacushcatami ricun.

      Eclesiastés 7:16-ta liyipai; Romanos 14:1, 10-ta liyipai, NWT. Qꞌuipaca cai catij tapuicunatami yachashun:

      • Cai versocunapi nishca shinaca ¿cai huauquica imatataj rurana can? Huaquinpica ñucanchij concienciaca huaquin ruraicunata rurachunmi saquin. Pero shujtajcunapaj concienciaca chaita rurachunca mana saquinchu. Chaipica ¿imatataj ruranguiman?

      ¿Alli decidingapajca imatataj rurana cangui?

      Shuj huarmica Yaya Diostami mañacun.

      1. Alli decidingapajca Diospaj ayudata mañai (Santiago 1:5).

      Chai huarmillatajmi Bibliapi, publicacioncunapi, computadorapipish informacionta mashcacun.

      2. Alli decidingapajca Bibliapi, publicacioncunapi ima nishcata ricui. Shinallataj experienciata charij huauqui panicunapaj ayudata mashcai.

      Chai huarmillatajmi ima yachashcacunapi yuyaricun.

      3. Cambaj decisionhuan canpish, shujtajcunapish ima shina sintirishcata yuyai.