5. Jehová Diosca paipaj amigocuna paita cazuchunmi munan

Maipica ñucanchij amigocuna ñucanchijmanta ima rurashpa ayudachunmi shuyanchij.

• Por ejemplo, ¿cambaj amigocunaca canmanta imata rurachuntaj munanguiman?

1 Juan 5:​3-ta liyipai. Qꞌuipaca cai catij tapuitami yachashun:

• ¿Jehová Diosca paipaj amigocuna imata rurachuntaj shuyan?

Jehová Diosca ñucanchij causaipi cambiocunata rurashpa, paita cazuchunmi munan. Isaías 48:​17, 18-ta liyipai. Qꞌuipaca cai catij tapuitami yachashun:

• ¿Imamantataj Jehová Diosca paipaj amigocuna cambiocunata rurachun shuyan?

¿Bibliata yachai callarishcamantaca Diospajman ashtahuan cꞌuchuyashcata sintishcanguichu? ¿Paihuan ashtahuan apanacunata munanguimanchu? Jehovata ashtahuan cꞌuyajpica paipish cantaca ashtahuanmi cꞌuyanga, cuidangapish. Pero ¿Jehová Diosta cꞌuyashcataca ima shinataj ricuchingui?

1. ¿Yaya Diosta cꞌuyashcataca ima shinataj ricuchinchij?

Jehová Diosta cazushpaca paita cꞌuyashcatami ricuchinchij (1 Juan 5:3-ta liyipai). Pero Diosca paita cazuchunca mana obliganchu. Ashtahuanpish tucuicuna paita cazunata o mana cazunatami agllachun saquin. ¿Imamantataj chaita rurachun saquin? Jehová Diosca ‘shungumanta paita cazuchunmi’ munan (Romanos 6:17). Cai libropi tiyaj parte 3 y 4-pica Jehová Diosta cꞌuyashcata ricuchingapaj imata rurana cashcatami yachangui. Shinallataj pai ima munashcata, ima mana munashcatami yachangui.

2. ¿Huaquinpica Jehová Diosman cꞌuyaita ricuchinaca imamantataj sinchi can?

“Cashcata rurajcunapajca achca llaquicunami tiyan” (Salmo 34:19). Tucuicuna juchayuj cashcamantami sufrinchij. Huaquinpicarin cullqui illashcamanta, ñucanchijta mana alli tratashcamanta o shujtaj llaquicunata charishcamantami llaquirinchij. Llaquicunata charishpaca Jehová Diosta sirvishpa catinaca sinchimi can. Pero Jehová Diosta sirvingapaj tucui esfuerzota rurashpami tucuimanta yalli paita cꞌuyashcata ricuchingui. Shinallataj paita tucuipi cazusha nishcatami ricuchingui. Chashna rurajpica paica cantaca manataj saquingachu (Salmo 4:3-ta liyipai).

4. Jehová Diospaj shunguta cushichi

Proverbios 27:11-ta liyipai. Qꞌuipaca cai catij tapuicunatami yachashun:

• ¿Jehová Diosta cazujpi, alli decisioncunata agllajpica paica ima shinashi sintiringa? ¿Imamantataj chashna sintiringa?

5. Canpishmi Jehová Diosta cazui pudingui

VIDEO: Jarcaicuna tiyajpipish cambaj crishcacunatami difindina cangui (5:09)

• ¿Cambajca shujtajcunaman Jehová Diosmanta huillanaca sinchichu can?

• ¿Videopi ricurij huauquica Jehová Diosmanta huillangapaj manchaitaca ima shinataj misharca?

Jehová Dios imatami pꞌiñashcata pꞌiñashpa, pai imatami cꞌuyashcata cꞌuyashpaca paita sirvinaca ashtahuan jahuallami canga. Salmo 97:10-ta liyipai. Qꞌuipaca cai catij tapuicunatami yachashun:

• Cunancama Jehová Diosmanta imata yachacushcapi yuyai. ¿Paica imacunallatataj cꞌuyan? Shinallataj ¿imacunallatataj pꞌiñan?

• ¿Canca ima shinataj allitaca cꞌuyanguiman? Cutin ¿ima shinataj mana allitaca pꞌiñanguiman?

6. Jehová Diosta cazunaca ñucanchij allipajmi can

Jehová Diosta tucuipi cazunami alli can. Isaías 48:17, 18-ta liyipai. Qꞌuipaca cai catij tapuicunatami yachashun:

• ¿Jehová Diosca ñucanchijpaj ima alli cashcataca yachanchu? ¿Imamantataj chashna yuyangui?

• ¿Bibliamanta yachana, Jehová Diosta ashtahuan rijsinaca ima shinataj cantaca ayudashca?

YUYARISHUNCHIJ

Sinchi llaquicuna ricurijpipish Jehová Diosta tucuipi cazushpaca paita cꞌuyashcatami ricuchingui.

Yuyaringapaj tapuicuna

• ¿Jobpaj causaimantaca imatataj yachashcangui?

• ¿Jehová Diosta cꞌuyashcataca ima shinataj ricuchingui?

• ¿Jehová Diosta tucuipi cazungapajca imataj ayudanga?

CAICUNATAPISH RICUI

Jehová Diostapish, congregacionta pushajcunatapish cazungapaj imata rurana cashcata yachai.

“Canta cꞌuyajtaca canpish cꞌuyanataca manataj saquinguichu” (16:49)

Diosta sirvijcunata juchachingapaj Diablo ima llullacuna nishcata yachai.

“Jobca Diostaca tucuipimi cazurca” (¿Bibliaca imatataj yachachin? Yachai 6)

Huahuacunapish Jehová Diosta cushichi tucushcata ricui.

Jehovata cushichi (8:16)

¿Jovencunaca jarcaicuna ricurijpipish Jehová Diosta cazushcataca ima shinataj ricuchi tucun?

Ama shujtajcuna munashcata ruraichu (4:00)

Tucuicunami decisioncunata agllana canchij. Huaquinpica chai decisioncunaca ñucanchij causaitami cambian. Shinallataj chai decisioncunaca Diospaj amigo cangapaj o mana cangapajmi ayudanga. Por ejemplo, maipi causanata, imapi trabajanata, cazaranata o mana cazaranatami decidina canchij. Alli decidishpaca cushillami causashun, Jehová Diostapishmi cushichishun.

1. ¿Alli decidichunca Bibliaca ima shinataj ayudan?

Manaraj imata decidishpaca Jehová Diospaj ayudatami mashcana cangui. Chaipajca Dios ima yuyashcata yachangapajmi Bibliapi ricuna cangui (Proverbios 2:3-6-ta liyipai). Huaquinpica Jehová Diosca caita rurai ningami. ¿Chaipica imatataj rurana cangui? Jehová mandashcatami cazuna cangui.

Pero ¿Bibliapi caita o chaita rurai mana nijpica? Jehová Diosca ‘ima ñanta catina’ cashcatami ricuchinga (Isaías 48:17). Paica alli decisioncunata agllachunmi Bibliapi tiyaj yuyaicunahuan ayudanga. Chai yuyaicunaca Jehová Dios ima shina yuyashcata, ima shina sintirishcata intindichunmi ayudanga. Chaitaca Bibliata liyishpami intindinchij. Chashnami Jehová Dios munashca shina alli decisioncunata agllashun.

2. ¿Manaraj imata decidishpaca imatataj rurana cangui?

Bibliapica: “Yachajcunaca imata rurangapajpish, alli yuyarinrajmi” ninmi (Proverbios 14:15). Chaimantami alli decidingapajca alli yuyana canchij. Chaipajca: “¿caimantaca Bibliaca imatataj yachachin?, ¿caita agllashpaca tranquilochu sintirisha?, ¿cashna decidishcamantaca shujtajcunaca allichu sintiringa?, ¿ñuca decisioncunahuan Jehová Diosca cushillachu sintiringa?” nishpami tapurina cangui (Deuteronomio 32:29).

Diosca ima alli cashcata, ima mana alli cashcata ningapajmi derechota charin. Chaimantami pai churashca leycunata, Bibliapi tiyaj yuyaicunata rijsishpa, chaicunata cazushpaca alli concienciata charishun. Ñucanchij concienciaca allita o mana allita ruracushcatami huillan (Romanos 2:14, 15, NWT). Alli concienciata charishpaca alli decisioncunatami japishun.

ASHTAHUAN YACHAI

3. Biblia yachachichun saqui

VIDEO: Bibliapi tiyashca yuyaicunata cazushunchij (5:54)

• ¿Jehová Diosca cada unotaca imata rurachuntaj saquin?

• ¿Imamantataj cada unotaca decidichun saquin?

• ¿Alli decidichunca Jehová Diosca ima shinataj ayudan?

Tiempota alli aprovechangapaj ¿imata rurai tucunchij? Efesios 5:15, 16-ta liyipai, NWT. Qꞌuipaca cai catij tapuicunatami yachashun:

• Bibliata cada punlla liyingapajca, ¿ima shinataj ‘tiempota alli aprovechai’ tucunchij?

• Alli cusa, alli yaya mama, alli huahuacuna cangapajca, ¿ima shinataj ‘tiempota alli aprovechai’ tucunchij?

• Tandanacuiman ringapajca, ¿ima shinataj ‘tiempota alli aprovechai’ tucunchij?

4. Alli decidingapajca alli concienciatami charina cangui

VIDEO: Alli yuyashpa decidishunchij (5:13)

• ¿Videopi ricurij panica alli concienciata charingapaj, Jehová munashca shina alli decidingapajca imatataj rurarca?

¿Ñucanchijpaj randi shujtajcuna decidichunca imamantataj mana saquina canchij? Hebreos 5:14-ta liyipai. Qꞌuipaca cai catij tapuicunatami yachashun:

• Shujtajcuna ñucanchijpaj randi decidichun saquinaca jahuallami can. Pero ¿imamantataj cada uno ima alli cashcata, ima mana alli cashcata decidina can?

• ¿Alli concienciata charingapaj, alli decisioncunata agllangapajca imacunallataj ayudanga?

5. Shujtajcunapaj concienciata respetashunchij

Mana tucuicunachu igual yuyanchij. Chaimantami chꞌican chꞌican decisioncunata agllanchij. ¿Shujtajcunapaj concienciata respetashcataca ima shinataj ricuchinchij? Ishqui ejemplocunata ricushun:

Ejemplo 1: Shuj panica ñahuita maquillarinata o pintarinatami munan. Pero pai rishca mushuj congregacionpica pai maquillarishcata ricushpaca panicunaca mana alli sintirincunachu.

Romanos 15:1 y 1 Corintios 10:23, 24-ta liyipai. Qꞌuipaca cai catij tapuicunatami yachashun:

• Cai versocunapi nishca shinaca ¿cai panica imata ruranatataj decidi tucun? ¿Cambaj conciencia huaquin ruraicunata rurachun saquijpipish shujtajcunapaj concienciata ama llaquichingapajca imatataj ruranguiman?

Ejemplo 2: Shuj huauquica asha tragota ubyanaca mana jucha cashcatami yachan. Chaita yachashpapish paica mana ubyanatami decidin. Pero shuj punllaca shuj invitaciontami chasquin. Chai invitacionman rishpaca huauquicuna asha tragota ubyacushcatami ricun.

Eclesiastés 7:16-ta liyipai; Romanos 14:1, 10-ta liyipai, NWT. Qꞌuipaca cai catij tapuicunatami yachashun:

• Cai versocunapi nishca shinaca ¿cai huauquica imatataj rurana can? Huaquinpica ñucanchij concienciaca huaquin ruraicunata rurachunmi saquin. Pero shujtajcunapaj concienciaca chaita rurachunca mana saquinchu. Chaipica ¿imatataj ruranguiman?

¿Alli decidingapajca imatataj rurana cangui?

1. Alli decidingapajca Diospaj ayudata mañai (Santiago 1:5).

2. Alli decidingapajca Bibliapi, publicacioncunapi ima nishcata ricui. Shinallataj experienciata charij huauqui panicunapaj ayudata mashcai.

3. Cambaj decisionhuan canpish, shujtajcunapish ima shina sintirishcata yuyai.

YUYARISHUNCHIJ

Alli decidingapajca Jehová Dios imata yuyashcatami alli ricuna canchij. Shinallataj ñucanchij ruraicunahuan shujtajcunata ayudagrishcata o llaquichigrishcatami ricuna canchij.

Yuyaringapaj tapuicuna

• ¿Jehová Dios munashca shina decidingapajca imatataj rurana cangui?

• ¿Alli concienciata charingapajca imatataj rurana cangui?

• ¿Shujtajcunapaj concienciata respetashcataca ima shinataj ricuchinguiman?

CAICUNATAPISH RICUI

¿Diospaj alli amigo cangapajca ima shinataj alli decisioncunata agllai tucungui?

“Ñucanchij decisioncunahuan Jehová Diosta jatunyachishun” (Huillaj, 15 de abril de 2011)

Jehová Dios ñucanchijta ima shina consejashcata ricui.

Jehová Diosca paipaj pueblotami pushacun (9:50)

Sinchi cajpipish shuj runa alli decidingapaj imata rurashcata ricui.

Jehová Diosca allicunata cujmi (5:46)

Jehová Dios caita o chaita rurai mana nijpipish paita cushichingapaj imata rurana cashcata ricui.

“¿Tucuipajchu shuj ley tiyachun minishtinchij?” (Huillaj, 1 de diciembre de 2003)