“Can mandana punlla ña chayamuchun” Achcacunami Diosta chashna mañashcacuna
¿Canpish chashnachu Diosta mañashcangui? Cai tucui huatacunatami achca gentecunaca chashna mañashca. ¿Imamanta? Jesusmi paita catijcunataca: “Can mandana punlla ña chayamuchun” nishpa mañanguichij nirca.
Callaripica, Jesusta catijcunaca pai ima nishcata mana tucuita intindircacunachu. Shuj cutinpica: “Mandaj Jesús ¿cunanllatajchu ñucanchij llajtata mandacujpaj maquimanta quichushpa ñucanchij judiocunallataj mandaj cachun churangui?” nishpami tapurcacuna. Pero, Jesús paicuna tapushcata mana tucuita huillajpimi mancharishcacuna canga (Hechos 1:6, 7). Shinashpaca ¿Diospaj Mandana ima cashcata, ima hora shamunataca manachu yachai tucunchij?
Cai revistapimi cai tapuicunamanta yachashun:
¿Imamantataj Diospaj Mandana shamuchun minishtinchij?
¿Diospaj Mandanapica pitaj Rey can?
¿Ima horataj cai Allpata mandanga?
¿Diospaj Mandanaca imatataj ruranga?
¿Imamantataj cunanmanta Diospaj Mandanata apoyana canchij?
¿Diospaj Mandanaca imataj can?