Muscuipi shina ricushcaca ñucanchij crishcatami sinchiyachin

9:1-7

Muscuipi shina Jesús mandanaman shamucujta ricucujpi jahua pachamanta Yaya Dios ‘ñuca cꞌuyashca churimi cangui, canpimi cushicuni’ nijpica Jesusca yallitajmi cushicushca canga. Chaita uyashpami llaquicunata ahuantangapaj fuerzata japishca canga. Muscuipi shina ricushcaca Pedrotapish Jacobotapish (Santiago) Juantapishmi ayudashca canga. Paicunaca Jesús Mesías cashcatami tucui shunguhuan crircacuna. Shinallataj Jesusta catij tucunapish alli cashcatami intindircacuna. Apóstol Pedroca 32 huatacuna qꞌuipami muscuipi shina ricushcaca ‘profetacunaman quillcachishcacunapi’ crichun paita sinchiyachishcatami yuyarirca (2Pe 1:16-19).

Jesús mandanaman shamucujta muscuipi shina mana ricushpapish, chaipi ima tucushca pajtarijtami ricucunchij. Cunan punllapica Jesusca achca poderta charij mandajmi can. Paica tucuita mishashpami cai Allpataca shuj paraisota ruranga (Ap 6:2).

Profeciacuna pajtarishcata ricushpaca, ¿Diospi ashtahuan cringapaj ima shinataj ayudashca?