YACHAI 55
Congregacionta apoyai
Mundo enteropimi achca millón gentecunaca achca congregacioncunapi Jehová Diosta cushilla adorancuna. Paicunaca congregacionpi imata yachachishcatami achcata valorancuna. Shinallataj chꞌican chꞌican ruraicunapimi cushicushpa apoyancuna. ¿Canpish congregacionpi chashnallataj apoyasha ninguichu?
1. ¿Cambaj tiempohuan, cambaj fuerzahuanpish ima shinataj congregaciontaca apoyai tucungui?
Congregacionpica tucuicunami imallatapish rurashpa ayudai tucunchij. Por ejemplo, mayorlla o ungushca huauqui panicuna tiyajpica paicunataca tandanacuicunamanmi pushai tucungui. Mana cashpaca comprasta rurashpa o shujtaj cosascunata huasipi rurashpami paicunataca ayudai tucungui (Santiago 1:27-ta liyipai). Shinallataj Tandanacuna Huasicunata pꞌichashpa, allichishpami ayudai tucunchij. Caicunata rurachunca ni pi mana obliganchu. Ñucanchijllatajmi Jehová Diosta, huauqui panicunatapish cꞌuyashcamanta chaicunataca rurasha ninchij (Salmo 110:3).
Bautizarishca huauquicunaca congregacionpica chꞌican chꞌican ruraicunapimi ayudai tucuncuna. Bibliapi mandashcata pajtachij huauquicunaca siervo ministerial shinami congregacionpica sirvi tucuncuna. Qꞌuipamanca ancianocunami cai tucuncuna. Shinallataj congregacionpica tucui huauqui panicunami precursores shina sirvi tucuncuna. Maijan huauqui panicunaca Tandanacuna Huasicunata shayachishpami ayudancuna. Cutin shujtajcunaca minishtirishca congregacionpi sirvingapajmi shujtaj ladoman rincuna.
2. ¿Ñucanchij cullquihuan shujtaj cosascunahuanpish ima shinataj congregaciontaca apoyai tucunchij?
Ñucanchijca ‘imalla charishcacunahuanmi’ Jehová Diostaca jatunyachi tucunchij (Proverbios 3:9). Congregacionta apoyangapaj, muyundij Allpapi predicacionta apoyangapajpishmi ñucanchij cullquita o imalla charishca cosascunataca cushicushpa cunchij (2 Corintios 9:7-ta liyipai). Jatun llaquicuna tiyajpi ayudangapajpishmi achcacunaca cullquitaca chꞌicanyachishpa huaquichincuna (1 Corintios 16:2-ta liyipai). Cullquitaca Tandanacuna Huasicunapimi caja de contribucioncunapi churai tucunchij o donate.jw.org paginapimi cui tucunchij. Jehová Diosca paita cꞌuyashcata ricuchichunmi ñucanchij imalla charishca cosascunata paiman cuchun saquin.
ASHTAHUAN YACHAI
Congregacionpi ima shina apoyai tucushcata yachashun.
3. Imalla charishca cosascunahuanmi apoyai tucungui
Jehovapish, Jesuspish cushicushpa cujcunatami cꞌuyan. Jesusca shuj huajcha viuda huarmi ashalla cullquita churajta ricushpaca achcatami valorarca. Lucas 21:1-4-ta liyipai. Qꞌuipaca cai catij tapuicunatami yachashun:
¿Jehová Dios cushilla cachunca achca cullquita cunachu minishtirin?
¿Shungumanta cujpica Jehová Diospish, Jesuspish ima shinataj sintirincuna?
Ñucanchij cushca cullquihuan imata ruracushcata yachangapajca VIDEOTA ricui. Cai catij tapuitami yachashun:
¿Ñucanchij cushca cullquica ima shinataj muyundij Allpapi huauqui panicunataca ayudan?
4. Canpishmi ayudai tucungui
Ñaupa tiempopi Diosta sirvijcunaca “Diospaj huasita” allichingapajmi cushicushpa ayudajcuna carca. Paicunaca mana cullquillatachu cujcuna carca. 2 Crónicas 34:9-11-ta liyipai. Qꞌuipaca cai catij tapuitami yachashun:
¿“Diospaj huasita” cuidangapajca israelitacunaca imatataj rurarcacuna?
Cunan punllacunapipish testigo de Jehovacuna imata rurajta yachangapajca VIDEOTA ricui. Qꞌuipaca cai catij tapuicunatami yachashun:
¿Imamantataj ñucanchij Tandanacuna Huasitaca limpio, allichishcata charina canchij?
¿Canca ima shinallataj ayudai tucungui?
5. Huauquicunaca ashtahuan rurangapajmi esforzari tucun
Bibliapica huauquicunataca espiritualmente sinchi cachun, congregacionpi ayudachunmi animan. Shuj huauqui chaita ima shina rurashcata yachangapajca VIDEOTA ricui. Qꞌuipaca cai catij tapuitami yachashun:
¿Huauqui Ryanca espiritualmente sinchi cangapaj, congregacionpi ashtahuan ayudangapajpish imatataj rurarca?
Bibliapica huauquicuna siervo ministerial cangapaj, anciano cangapaj imacunallata pajtachina cashcatami huillan. 1 Timoteo 3:1-13-ta liyipai. Qꞌuipaca cai catij tapuicunatami yachashun:
¿Siervo ministerial o anciano casha nij huauquicunaca imatataj rurana can?
¿Paicunapaj familiacunapish imatataj rurana can? (1 Timoteo 3:4 y 11-ta ricui).
¿Cai huauquicuna Bibliapi nishcata cazujpica congregacionca ima shinataj beneficiarin?
HUAQUINCUNACA: “¿Testigo de Jehovacunaca Diospaj obrata rurangapajca maimantataj cullquita llujchincuna?” nishpami tapuncuna.
¿Canca imatataj ninguiman?
YUYARISHUNCHIJ
Ñucanchij tiempohuan, fuerzahuan, cullquihuan congregacionta apoyajpica Jehová Diosca achcatami valoran.
Yuyaringapaj tapuicuna
¿Congregaciontaca ima shinataj ñucanchij tiempohuan, fuerzahuanca apoyai tucunchij?
¿Congregaciontaca ñucanchij imalla charishca cosascunahuanca ima shinataj apoyai tucunchij?
¿Congregaciontaca ima shinataj apoyasha ninguiman?
CAICUNATAPISH RICUI
Jehová Dios paita sirvijcunata diezmota cuchun ña mana mañashcata ricui.
“¿Bibliapica diezmomantaca imatataj yachachin?” (jw.org paginapi ricui)
Jehová Diosca congregacionpi huaquin mingashcacunata pajtachichunca bautizarishca huauquicunatami churashca. Pero ¿shuj pani chai mingashcacunata pajtachina cajpica?
“¿Congregacionta pushajcunaca ima autoridadtataj charincuna” (Huillaj, febrero de 2021)
Huauqui panicunapish publicacioncunata charichun huaquin Testigocuna imata rurashcata ricui.
Congo llajtapimi Bibliamanta publicacioncunata saquinchij (4:25)
Diospaj obrata muyundij Allpapi apoyashpa catingapajca Testigo de Jehovacunallatajmi cullquita cushpa ayudanchij.
“¿Diospaj obrata rurangapajca maimantataj cullquita llujchinchij?” (jw.org paginapi ricui)