Yachacujta ayudashpa cati

1 Tesalonicenses 2:8-pica: “Achcata cꞌuyashcamantami Diosmanta alli huillaicunataca cancunaman huillashun nircanchij. Shinallataj cancunata ayudangapajmi ñucanchij causaitapish cushun nircanchij” ninmi.

¿Jesusca imatataj rurarca?

Jesusca tuta horaspi Nicodemo runahuanmi parlanacurca.

VIDEO: Jesusca Nicodemo runamanmi yachachirca

1. VIDEOTA ricui. Mana cashpaca Juan 3:1, 2-ta liyipai. Qꞌuipaca cai catij tapuicunapi yuyai:

¿Nicodemoca imamantataj tuta horaspi Jesuspajman cꞌuchuyarca? (Juan 12:42, 43-ta ricui).
¿Nicodemomanpish, shujtajcunamanpish yachachisha nishcataca Jesusca ima shinataj ricuchirca?

¿Jesuspaj ejemplomantaca imatataj yachanchij?

2. Gentecunata cꞌuyashcamantami Jesusta catijcuna tucuchun ayudasha ninchij. Chaica ñucanchij responsabilidadmi can.

Jesús shina rurai

3. Yachacuj munashca horaspi, munashca lugarpi yachachingapaj esforzari. Cashna tapuri: “¿Yachacujca ima punlla, ima horastaj yachasha nicun? ¿Maipishi alli sintiringa: paipaj trabajopi, paipaj huasipi o shujtaj lugarpi?”.

4. Cada semana yachachingapaj esforzari. Pero shuj semanapi mana yachachi pudishpaca caicunatami rurai tucungui:

Chai semanallapitaj shujtaj punllapi yachachingapaj agllai.
Telefonomanta cayashpa o video llamadata rurashpa yachachi.
Shujtaj huauqui panita yachachichun mañai.

5. Diosta ayudachun mañai. Yachacujta ayudana munaita charingapajmi Jehovata ayudachun mañana cangui. Yachacujca tal vez mana cada semana yachai tucunchu. O imata yachacushcataca manachari pajtachin. Chashna cajpipish paipaj alli ruraicunata valorangapajmi Diosta ayudachun mañana cangui (Filipenses 2:13).

CAI VERSOCUNATAPISH RICUI

Proverbios 3:27; Hechos 20:35; 2 Corintios 12:15