• “Diospaj shimitaca shujtaj ladocunapipishmi huillashpa catircacuna”
    “Diospaj Gobiernomanta tucuita” huillashunchij

    • 19, 20. a) ¿Jehová Diosca imamantataj Herodesta castigarca? b) ¿Herodesta unguchishcamantaca imatataj yachanchij?

      19 Yaya Diosta jatunyachinapaj randica gentecunaca Herodestami jatunyachircacuna. Shinapish chaitaca Yaya Diosmi ricucurca. Gentecuna paita jatunyachichun jarcai tucushpapish Herodesca chaita mana rurarcachu. ‘Chai ratomi Jehová Diospaj angelca Herodesmanca shuj unguita cacharca. Chaimi paica cꞌurucuna micushca huañurca’ (Hech. 12:23). Proverbios 16:18-pi nishca shinaca Herodesca ‘manaraj llaqui tucushpaca jatun tucushcami carca’. Josefoca Herodestaca mana yuyashcapi shuj millai unguita ricurishcata, Herodesllataj Yaya Diosca ñucata castigacun nishpa reconocishcatami huillarca. Shinallataj Herodes manaraj huañushpaca pichca punllacunata sufrishcatami huillarca.b