2. ¿Imacunallapitaj honrados cana canchij?

‘Mana caishuj chaishuj llullanacushpaca’ Jehová munashca shinami causashun (Zacarías 8:16, 17). ¿Caica imatataj nisha nin? Familia ucupipish, trabajopipish, congregacionpipish, autoridadcunamanpish mana llullacunata nina cashcatami nisha nin. Honrados cashcamantami mana shuhuanchij (Proverbios 24:28 y Efesios 4:28-ta liyipai). Impuestocunatapishmi paganchij (Romanos 13:5-7). Ñucanchijca “tucuipi allita rurashpami” causasha ninchij (Hebreos 13:18, NWT).

Jesusca paipaj catijcunamanca: ‘Cancunaca cai pachapajca mana canguichijchu’ nishpami yachachirca (Juan 15:19). Chaimantami Jesusta catijcunaca guerracunapi, politicapi mana chagrurinchij. Pero caita ruranaca huaquinpica mana jahuallachu can. Chaita rurashcamantami huaquincunaca ñucanchijmantaca burlaringacuna. ¿Cai mundopaj ruraicunapi ama chagruringapaj, Jehová Diosta tucuipi cazungapajca imatataj rurana canchij?

1. ¿Jesusta catijcunaca gobiernocunamantaca imatataj yuyan?

Jesusta catijcunaca tucui gobiernocunatami respetanchij. Jesusca: “Cesarpajtaca paiman cuichij” nircami. Chaimantami ñucanchij causan ladopi tiyaj leycunata cazunchij, impuestocunatapish paganchij (Marcos 12:17). Bibliapica cai Allpapi tiyaj gobiernocunataca Jehovami churashca nin (Romanos 13:1). Pero cai gobiernocunaca mana tucui podertachu charincuna. Jehová Diosllami tucui poderta charin. Paillami paipaj Gobiernohuan tucui llaquicunata tucuchinga.

2. ¿Cai mundopaj ruraicunahuan mana chagrurishcataca ima shinataj ricuchinchij?

Gentecuna Jesuspaj milagrocunata ricushpaca, paitaca reytami rurasha nircacuna. Pero Jesusca chaitaca mana munarcachu (Juan 6:15). Ñucanchijcunaca Jesús shinami politicapica mana chagrurinchij. ¿Imamantataj Jesusca mana politicapi chagrurirca? Paillatajmi: “Ñuca mandanaca, mana cai pachamantachu” nirca (Juan 18:36). Jesusta catijcunaca cai mundopaj ruraicunapi mana chagrurishcamantami mana guerracunaman rinchij (Miqueas 4:3-ta liyipai). Shinallataj banderata, escudota, himno nacionalta respetashpapish mana jatunyachinchijchu. Jatunyachishpaca chaicunata adoracushcatami ricuchinchij (1 Juan 5:21). Ñucanchijcunaca politicocunataca mana apoyanchijchu ni paicunapaj contrapish mana canchijchu. Chashnami Diospaj Gobiernollata apoyashcata ricuchinchij.

ASHTAHUAN YACHAI

3. Jesusta catijcunaca cai mundopaj ruraicunahuanca mana chagrurinchijchu

Jesuspish, paipaj discipulocunapishmi ñucanchijmanca shuj alli ejemplota curcacuna. Romanos 13:1, 5-7 y 1 Pedro 2:13, 14-ta liyipai. VIDEOTA ricui. Qꞌuipaca cai catij tapuicunatami yachashun:

VIDEO: Diosta sirvijcunaca politicapi mana chagrurinchijchu (parte 1) (4:28)

• ¿Autoridadcunataca imamantataj respetana canchij?

• ¿Paicunata cazucushcataca ima shinataj ricuchinchij?

Guerra tiyajpica huaquin gobiernocunaca guerrapica mana chagrurinchijchu nincunami. Pero guerrapi macanacuj llajtacunatami apoyancuna. Shinashpaca ¿cai mundopaj ruraicunapi mana chagrurinaca imataj can? Juan 17:16-ta liyipai. VIDEOTA ricui. Qꞌuipaca cai catij tapuitami yachashun:

VIDEO: Diosta sirvijcunaca politicapi mana chagrurinchijchu (parte 2) (3:11)

• ¿Cai mundopaj ruraicunapi mana chagrurinaca imataj can?

¿Autoridadcuna Diospaj mandashcacunata mana cazuchun nijpica cazunachu canchij? Hechos 5:28, 29-ta liyipai. VIDEOTA ricui. Qꞌuipaca cai catij tapuicunatami yachashun:

VIDEO: Diosta sirvijcunaca politicapi mana chagrurinchijchu (parte 3) (1:18)

• Gobiernocuna churashca leycuna, Dios churashca leycunahuan contra cajpica, ¿maijantataj cazuna canchij?

• ¿Jesusta catijcunaca ima horastaj autoridadcunataca mana cazuna canchij?

4. Cambaj yuyaihuan, cambaj ruraicunahuan cai mundohuan mana chagrurishcata ricuchi

1 Juan 5:21-ta liyipai. VIDEOTA ricui. Qꞌuipaca cai catij tapuicunatami yachashun:

VIDEO: Jesusta catijcunaca mana manchaj canatami minishtinchij: Cai pachapaj ruraicunapi ama chagruringapaj (2:49)

• ¿Videopi ricurij huauquica politicapi chagrurinata, banderata saludanataca imamantataj mana munarca?

• ¿Cai huauqui ima decidishcaca allichu carca?

¿Huaquinpica ima rurashpataj cai mundohuan chagruri tucunchij? VIDEOTA ricui. Qꞌuipaca cai catij tapuicunatami yachashun:

VIDEO: “Huillaj” revistamanta sumaj yuyaicuna: Chꞌicanyarishca mundopi Diospaj lado cashunchij (5:16)

• ¿Chꞌican chꞌican llajtacunapi compitishpa pugllaicuna tiyajpica chaicunapi mana chagrurishcataca ima shinataj ricuchinchij?

• Politicocunaca huaquinpica alli o mana alli decisioncunatami agllan. ¿Chaipica ñucanchijca imatataj rurana canchij?

• ¿Televisionpi, radiopi, Internetpi ima uyashca o ricushcaca politicapi chagrurichunca ima shinataj animai tucun?

YUYARISHUNCHIJ

Diosta sirvijcunaca ñucanchij yuyaicunahuan, rimaicunahuan, ruraicunahuanmi politicapi mana chagruringapaj esfuerzota ruranchij.

Yuyaringapaj tapuicuna

• ¿Gobiernocunata respetashcataca ima shinataj ricuchinchij?

• ¿Politicapica imamantataj mana chagrurinchij?

• ¿Ima rurashpataj cai mundopaj ruraicunahuan chagrurishcata ricuchi tucunchij?

CAICUNATAPISH RICUI

¿Cai mundopaj ruraicunahuan ama chagruringapajca imatataj rurana canchij?

Jehová Diosca ñucanchijtaca manataj saquishcachu (3:14)

¿Familiacunaca cai mundopaj ruraicunapi ama chagruringapajca ima shinataj prepararina can?

Ñucanchijca Jehová Diosllatami adorashun (4:25)

Achca gentecunaca llajtata difindinaca valishcami can nincunami. ¿Chashna yuyanaca allichu can?

“Taita Diosca imatapish rurai tucunmi” (5:19)

¿Cai mundohuan ama chagruringapajca ima laya trabajotataj agllana canchij?

“Cada unomi imata rurashcata chasquishun” (Huillaj, 15 de marzo de 2006)