¿Imamantataj sufrinchij?

Shuj llaqui tiyajpica achca gentecunaca: “¿Cai llaquica imamantataj tiyan?” nishpami tapurincuna. Biblia cai tapuita cutichijta yachashpami cushilla sintirinchij.

1. ¿Cai mundopi millai ruraicuna tiyai callarichunca Diabloca imatataj rurarca?

Diabloca gentecunata mandasha nishcamantami Diospaj contra tucurca. Chaipajca Evaman llullacunata nishpami pandachirca. Chashnami Adanpish Evapish Diospaj contra tucurcacuna (Génesis 3:1-5). Yaya Diosca alli cosascunamantami jarcacun, paita mana cazushpaca allimi causanguichij nishpami Diabloca Evataca pandachirca. Diabloca Evaman mana huañunguichijchu nishpami punta llullata nirca. Chaimantami Bibliapica Diablotaca ‘llullata callarichij cashcamantami llullapaj yaya’ nin (Juan 8:44).

2. ¿Adán y Evaca imatataj rurarcacuna?

Jehová Diosca, Adantapish Evatapish Edén huertapi yuracunamantaca micui tucunguichijmi. Pero shuj yuramantaca amataj micunguichijchu nircami (Génesis 2:15-17). Chashna mandajpipish Evaca ‘ama micunguichij nishca yuramantami micurca. Paipaj cusamanpish cararca’ (Génesis 3:6). Chashnami paicunaca Diosta mana cazurcacuna. Paicuna jucha illaj cashcamantami allita ruranaca jahualla carca. Pero yachashca jahuami Diosta mana cazurcacuna. Juchata rurashpami Dios paicunata mandachun ña mana munashcata ricuchircacuna. Chashna decidishcamantami Adán y Evaca jatun llaquipi urmarcacuna (Génesis 3:16-19).

3. ¿Adán y Eva Diosta mana cazushcamantaca ñucanchijhuanpish imataj tucurca?

Adán y Eva Diosta mana cazushcamantami juchayuj tucurcacuna. Ñucanchijpish paicunapaj huahuacuna cashcamantami juchayuj tucushcanchij. Adanmanta parlashpaca Bibliapica: “Shuj runallamantami juchaca, cai pachamanca yaicurca. Chai juchamantami huañuipish yaicurca. Chashnami tucuicuna juchallishcamantaca, huañuica tucui runacunaman shamurca” ninmi (Romanos 5:12).

Shinashpaca ¿imamantataj sufrinchij? Huaquinpica ñucanchijllataj mana alli decisioncunata japishcamanta o shujtajcunapish mana alli decidishcamantami sufrinchij. Cutin maipica mana cana cashca lugarpi o mana cana cashca horaspi cashcamantami llaquicunaca japin (Eclesiastés 9:11-ta liyipai).

ASHTAHUAN YACHAI

4. Llaquicunamantaca Diosca mana culpata charinchu

Achca gentecunaca Yaya Diosmi cai mundotaca mandacun nishpami yuyancuna. Pero ¿chaica ciertochu can? VIDEOTA ricui.

VIDEO: ¿Cai Allpataca pitaj mandacun? (1:24)

Lamentaciones 3:33; 1 Juan 5:19-ta, liyipai, NWT. Qꞌuipaca cai catij tapuitami yachashun:

• ¿Tucui llaquicunamantaca Dioschu culpata charin?

5. Diablo mandacushcamantami cashna causanchij

VIDEO: ¿Diosca imamantataj llaquicuna tiyachun saquin? (shuj partella) (3:07)

Génesis 3:1-6-ta liyipai. Qꞌuipaca cai catij tapuicunatami yachashun:

• ¿Diabloca ima llullatataj Evamanca nirca? (Génesis 3:4 y 5-ta ricui).

• ¿Jehová Dios gentecunaman alli cosascunamanta jarcashcataca Diabloca ima shinataj crichirca?

• ¿Cushilla causangapaj Jehová mandachun mana minishtishcataca Diabloca ima shinataj crichirca?

Eclesiastés 8:9-ta liyipai. Qꞌuipaca cai catij tapuitami yachashun:

• ¿Cai mundota Jehová Dios mana mandacushcamantaca gentecunaca ima shinataj causancuna?

1. Adán y Evaca jucha illajmi carca. Edén nishca huertapimi causajcuna carca. Diablota uyashcamantami Diospaj contra tucurcacuna.

2. Adán y Eva Diosta mana cazushcamantami tucuicuna juchayuj tucurcanchij. Chaimantami llaquicuna, huañuipish tiyan.

3. Jehová Diosca juchatapish, llaquicunatapish, huañuitapish ñallami tucuchinga. Tucuicunami jucha illaj tucushpa paraíso Allpapi causashun.

6. Ñucanchij llaquita apacujpica Jehová Diospish llaquillami sintirin

¿Ñucanchij sufricujpica Yaya Diosca llaquirinchu? Caimanta rey Davidpish, apóstol Pedropish ima quillcashcata ricushun. Salmo 31:7 y 1 Pedro 5:7-ta liyipai. Qꞌuipaca cai catij tapuitami yachashun:

• ¿Ñucanchij llaquicunahuan cajta ricushpaca Jehová Dios preocuparishcata yachashpaca ima shinataj sintiringui?

YUYARISHUNCHIJ

Diablomanta, Adán y Evamantapishmi cai mundopica llaquicunata charinchij. Llaquicunahuan cajta ricushpaca Jehová Diosca yallitaj llaquillami sintirin. Chaimantami llaquicunataca ñalla tucuchinga.

Yuyaringapaj tapuicuna

• ¿Diabloca Evata ima nishpataj pandachirca?

• ¿Adán y Eva Diosta mana cazushcamantaca ima shinataj causanchij?

• ¿Llaquicunahuan cajta ricushpaca Jehová Diosca llaquirinchu? ¿Imamantataj chashna ningui?

CAICUNATAPISH RICUI

Bibliapi juchamanta ima nishcata yachai.

“¿Juchaca imataj can?” (jw.org paginapi ricui)

Edén nishca huertapi Diablo, Adantapish Evatapish ima shina pandachishcata ashtahuan yachai.

“¿Diosca imamantataj llaquicuna tiyachun saquin?” (Huillaj, 1 de enero de 2014)

Cai catij tapuicunata Biblia ima shina cutichishcata yachai.

“¿Imamantataj judiocunataca llaquichircacuna? ¿Paicunata llaquichichunca imamantataj Diosca saquirca?” (jw.org paginapi ricui)

Achca llaquicunata charij runa ima shina cushilla causaita charishcata yachai.

Jehovami cushi causaita curca (5:09)

Adán y Evaca Diostaca mana cazurcacunachu. Chaimantami juchata ruranchij, sufrinchij, huañunchijpish.a Pero Jehová Diosca juchamanta, huañuimanta quishpichingapajmi paipaj Churi Jesusta cacharca. Jesusca ñucanchijta quishpichingapajca shuj preciotami pagana carca. Ima shinami shuj runata secuestrajpi paita cacharichun shuj preciota pagana canchij. Chashnallatajmi ñucanchijta juchamanta, huañuimanta cacharichichunca Jesusca shuj preciota pagarca. Chai precioca paipaj jucha illaj causaimi carca (Mateo 20:28-ta liyipai). Jesusca cai Allpapica jucha illajmi huacharirca. Chaimantami huiñai huiñaicama cai Allpapi causai tucurca. Pero chaita ruranapaj randica gentecuna jucha illaj causaita charichunmi paica huañurca. Chashnami Jehovapish Jesuspish ñucanchijta cꞌuyashcata ricuchircacuna. Cai yachaipimi Jesús ñucanchijmanta huañushcata agradicingapaj imata rurana cashcata yachashun.

1. ¿Jesús huañushcamantaca ima bendiciontataj charinchij?

Juchayujcuna cashcamantami Dios mana munashca cosascunata ruranchij. Pero ñucanchij juchacunamanta arrepintirijpi, chai juchacunapi ama cutin urmangapaj esfuerzota rurajpi, Jehová Diosta Jesuspaj shutipi mañajpica Jehová Diospaj alli amigomi cai tucunchij (1 Juan 2:1). Bibliapica: “Cristoca juchacunamantami shuj cutinlla huiñaipaj huañurca. Cancuna Dioshuan alli tucuchunmi cashcata rurajca cashcata mana rurajcunamanta huañurca” ninmi (1 Pedro 3:18, NWT).

2. ¿Jesús huañushcamantaca ima bendiciontataj charishun?

Jehová Diosca paipaj jucha illaj Churitami cacharca. ‘Pipish Jesusta crijca ama chingarishpa, ashtahuanpish huiñai causaita charichunmi cacharca’ (Juan 3:16). Jesús ñucanchijmanta huañushcamantami Jehová Diosca ñalla juchata, huañuitapish tucuchinga. Chaimantami cai Allpapi huiñai huiñaicama causangapajca Jesús huañushcapi crina canchij (Isaías 65:21-23).

ASHTAHUAN YACHAI

3. Jesús huañushcamantami juchamanta, huañuimantapish quishpiri tucunchij

VIDEO: ¿Jesusca imamantataj huañurca? (parte 1) (2:01)

• ¿Adán Jehová Diosta mana cazushcamantaca imatataj chingachirca?

Romanos 5:12-ta liyipai. Qꞌuipaca cai catij tapuitami yachashun:

• ¿Adán juchata rurashcamantaca ñucanchijhuanca imataj tucurca?

Juan 3:16-ta liyipai. Qꞌuipaca cai catij tapuitami yachashun:

• ¿Jehová Diosca imamantataj Jesustaca cai Allpaman cacharca?

1. Adanca jucha illaj runami carca. Pero Yaya Diosta mana cazushcamantami tucuicuna juchayujcuna tucushpa huañuna canchij.

2. Jesusca jucha illajmi carca. Pai Yaya Diosta cazushcamantami tucuicuna jucha illaj, huiñai huiñaita causai tucushun.

4. Jesús huañushcamantami bendicioncunata charinchij

VIDEO: ¿Jesusca imamantataj huañurca? (parte 2) (2:00)

• ¿Shuj runalla huañushcamantaca ima shinataj tucuicuna bendicioncunata chari tucunchij?

1 Timoteo 2:5, 6-ta liyipai. Qꞌuipaca cai catij tapuitami yachashun:

• Adán jucha illaj cashpapish juchatami rurarca. Chaimantami ñucanchijtaca juchamanpish, huañuimanpish cꞌaturca. Jesuspish jucha illajmi carca. Pero ¿ñucanchijta ‘randishpa cacharichingapajca’ imatataj rurarca?

5. Jehová Diosca canmanta huañuchunmi Jesustaca cacharca

Jehová Diospaj amigocunaca Jesús huañushcataca achcatami valoran. Caimanta apóstol Pablo ima nishcata ricushun. Gálatas 2:20-ta liyipai, NWT. Qꞌuipaca cai catij tapuitami yachashun:

• ¿Apóstol Pabloca Jesús huañushcata valorashcamantaca imatataj nirca?

Adán juchata rurashcamantami tucuicuna huañunchij. Pero Jehová Diosca canmanta huañuchunmi paipaj Churita cacharca. Chaimantami canca huiñai huiñaita causai tucungui.

Cai versocunata liyishpaca Jesús sufrishcata yachashpa Jehová ima shina sintirishcapi yuyai. Juan 19:1-7 y 16-18-ta liyipai, NWT. Qꞌuipaca cai catij tapuitami yachashun:

• ¿Jehová Diospish, Jesuspish canmanta ima rurashcata yuyashpaca ima shinataj sintiringui?

YUYARISHUNCHIJ

Jesús huañushcamantami Jehová Diosca ñucanchij juchacunata perdonan. Shinallataj huiñai huiñaita causana oportunidadta cun.

Yuyaringapaj tapuicuna

• ¿Jesusca imamantataj huañurca?

• Jesusca Adán shinami jucha illaj carca. Paica ¿ñucanchijta “randishpa cacharichingapajca” imatataj rurarca?

• ¿Jesús huañushcamantaca ima bendiciontataj charingui?

CAICUNATAPISH RICUI

Jesuspaj jucha illaj causai ñucanchijta ima shina quishpichi tucushcata yachai.

“¿Jesús huañushcamantaca ima shinataj achcacunata quishpichi tucun?” (jw.org paginapi ricui)

Quishpirishca cangapajca imata rurana cashcata yachai.

“¿Jesusca ima shinataj ñucanchijta quishpichi tucun?” (jw.org paginapi ricui)

¿Yaya Diosca ñucanchij juchacunata perdonanchu?

“Bibliamanta tapuicuna” (Huillaj, 1 de mayo de 2013)

Jesús ñucanchijmanta huañushcata yachashca qꞌuipa shuj runa paipaj causaita ima shina cambiashcata yachai.

“Mana allicunata rurashpa ña mana causanichu” (jw.org paginapi ricui)