Huauqui panicunata ayudashunchij

8:1-4; 9:7

Diosta sirvijcunaca gentecuna Dioshuan alli tucuchun nishpa huillajcuna, yachachijcunami canchij. Shinallataj huauqui panicuna ima llaquita charijpi ayudajcunami canchij (2Co 5:18-20; 8:4). Ñucanchij huauqui panicuna imata minishticujpi ayudashpami Diosta alli sirvijcuna cashcata ricuchinchij. Pero, ¿imallatataj rurai tucunchij?

• Huauqui panicuna ima minishtishcatami cui tucunchij (2Co 9:12a).

• Huauqui panicunata ayudashpaca paicuna Diosta alli sirvishpa catichun, huillanapi cushicuihuan participachunmi ayudai tucunchij. Chashnami Jehová Diosta agradicishcata ricuchingacuna (2Co 9:12b).

• Jehová Diostami jatunyachi tucunchij (2Co 9:13). Ima llaqui tiyashcamanta shujtajcunata ayudashpaca Diosta alli sirvijcuna cashcatami ricuchishun. Testigo de Jehovacunamanta panda yuyaita charijcunapish ñucanchijcuna Diosta alli sirvijcuna cashcatami ricungacuna.