¿Diosta sirvijcunaca tragota ubyanamantaca imatataj yuyan?

Huaquin gentecunaca maijan rato amigocunahuan tragota ubyanacaa allimi can nincunami. Shujtajcunaca tragota mana nunca ubyanatami decidincuna. Cutin maijancunaca machangacamami tragota ubyancuna. ¿Bibliapica tragota ubyanamantaca imatataj nin?

1. ¿Tragota ubyanaca allichu can?

Bibliapica tragota ubyana jucha cashcataca mana ninchu. Diospaj Shimipica Yaya Diosca gentecunamanca ‘shunguta cushichij vinotami cushca’ ninmi (Salmo 104:14, 15). Shinallataj Bibliapica huaquin Diosta sirvijcuna vinotapish ubyashcatami nin (1 Timoteo 5:23).

2. ¿Trago ubyanata decidijcunataca Bibliaca imatataj nin?

Jehová Diosca machajcunata, achca tragota ubyajcunataca mana ricunayachinchu (Gálatas 5:21). Bibliapica: ‘Vinollata ubyajcunahuanpish, pajta tandanacunguiman’ ninmi (Proverbios 23:20). Chaimanta ñucanchijlla o shujtajcunahuan tragota ubyanata decidishpaca yuyaita chingachingacamaca mana ubyanachu canchij. Shinallataj ñucanchijta unguchingacamaca mana ubyanachu canchij. Chaimanta tragota ubyanamanta mana jarcari tucushpaca ña mana ubyanatami decidina canchij.

3. ¿Shujtajcunapaj decisiocunata respetashcataca ima shinataj ricuchinchij?

Cada unomi tragota ubyanata o mana ubyanataca decidina can. Huaquincuna asha tragota ubyanata decidijpica ñucanchijcunaca paicunataca mana juzganachu canchij. Tragota mana ubyasha nijpipish ñucanchijca mana obliganachu canchij (Romanos 14:10). Shinallataj shujtajcuna mana alli sintirijpica ñucanchijca tragotaca mana ubyanachu canchij (Romanos 14:21-ta liyipai). Diosta alli sirvijcunaca ‘paipajlla allipajllaca mana mashcanchu, ashtahuanpish shujtajpaj allipajmi mashcan’ (1 Corintios 10:23, 24-ta liyipai).

ASHTAHUAN YACHAI

4. Ubyanata o mana ubyanata decidi

¿Ubyanamantaca Jesusca imatataj yuyaj carca? Caita yachangapajca Jesús punta milagropi imata rurashcata ricushun. Juan 2:1-11-ta liyipai. Qꞌuipaca cai catij tapuicunatami yachashun:

• Cai versocunapi nishca shinaca ¿Jesusca ubyanamantaca imatataj yuyaj carca?

• Jesusca vinotaca mana ubyanachu cangui mana nircachu. Chaimanta ¿asha ubyanata decidijcunamantaca Jesusta catijcunaca imatataj yuyana can?

Jesusta catijcuna asha tragota ubyanata decidijpipish mana siemprechu ubyana can. Proverbios 22:3-ta liyipai. Qꞌuipaca cai catij tapuicunatami yachashun:

• ¿Carrota o shuj maquinata manejagricushpaca tragota ubyanachu cangui?

• ¿Chichu huarmica tragota ubyanachu can?

• ¿Doctor tragota mana ubyachun nijpica tragotaca ubyanachu cangui?

• ¿Cambajca ubyanata controlarinaca sinchichu can?

• ¿Quiquin causashca ladopica autoridadcunaca tragota ubyachun saquinchu?

• Ubyana viciota charishcamanta ña mana ubyasha nijcunahuan cashpaca, ¿quiquinca imatataj ruranguiman?

¿Shuj bodapi o shuj fiestapica quiquinca tragotaca cunachu cangui? Caita yachangapajca catij videota ricushun. VIDEOTA ricui.

VIDEO: ¿Bodapi tragota cunaca allichu canga? (2:41)

Romanos 13:13 y 1 Corintios 10:31, 32-ta liyipai. Qꞌuipaca cai catij tapuitami yachashun:

• ¿Jehovata cushichij decisionta agllangapajca ima shinataj cai versocunaca ayudan?

5. Mashnata ubyana cashcata decidi

Tragota, cervezata o vinota ubyanata decidishpaca Jehová ima nishcatami yuyarina cangui. Paica ashata ubyachunca mana jarcanchu. Shinapish machangacama ubyachunca mana munanchu. ¿Imamanta? Oseas 4:11, 18-ta liyipai. Qꞌuipaca cai catij tapuitami yachashun:

• ¿Yallitaj ubyajcunahuanca imataj tucun?

¿Ama achcata ubyangapajca imataj ayudanga? Alli yuyayujmi cana canchij. Ubyai pudishcallatami ubyana canchij. Proverbios 11:2-ta liyipai. Qꞌuipaca cai catij tapuitami yachashun:

• ¿Imamantataj mashnata ubyana cashcataca alli yachana cangui?

6. Tragota ubyana viciomanta caruyai

VIDEO: “Mapa causaita saquircanimi” (6:32)

• ¿Dimitrica tragota ubyashpaca ima shinataj comportarij carca?

• ¿Callaripica ubyanata saqui tucurcachu?

• ¿Ubyana viciotaca ima shinataj saquirca?

1 Corintios 6:10, 11-ta liyipai. Qꞌuipaca cai catij tapuicunatami yachashun:

• ¿Machangacama ubyanaca allichu canga? ¿Imamantataj chashna ningui?

• ¿Ubyana viciota saqui tucushcataca ima shinataj yachanchij?

Mateo 5:30-ta liyipai, NWT. Qꞌuipaca cai catij tapuitami yachashun:

• Jesusca: “Cambaj alli lado maqui juchapi urmachisha nijpica, pꞌitishpa caruta shitai” nircami. Chai shimicunahuanca Diospaj ñaupajpi alli ricuringapajca achca esfuerzota rurana cashcatami nicurca. ¿Ubyana viciota saquisha nishpaca imatataj rurai tucungui?b

1 Corintios 15:33-ta liyipai, NWT. Qꞌuipaca cai catij tapuitami yachashun:

• ¿Ubyana viciota charijcunahuan tandanacushpaca imataj tucungui?

YUYARISHUNCHIJ

Vino, cerveza, tragoca Jehová Dios cushca regalocunami can. Shinapish machangacama ubyachunca mana munanchu.

Yuyaringapaj tapuicuna

• ¿Tragota ubyanamantaca Bibliaca imatataj nin?

• ¿Yallitaj ubyashpaca ima llaquicunapitaj urmai tucunchij?

• Shujtajcuna tragota ubyanata o mana ubyanata decidijpica, ¿paicunata respetashcataca ima shinataj ricuchinchij?

CAICUNATAPISH RICUI

¿Jovencunaca tragota ubyanata o mana ubyanata decidingapajca imapitaj yuyana can?

Manaraj ubyashpa alli yuyari (2:31)

Tragota ubyana viciota charishpaca chaita saquingapaj imata rurana cashcata ricui.

“¿Tragota ama yallitaj ubyangapajca imatataj rurai tucunchij?” (Huillaj, 1 de enero de 2010)

¿Diosta sirvijcunaca brindista rurai tucuncunachu?

“Caitami tapushcacuna” (Huillaj, 15 de febrero de 2007)

Shuj runaca ubyana viciotami saquirca. Ima shina saquishcata yachangapajca “Yallitaj ubyajmi carcani” nishcata liyi.

“Bibliata yachashpami cambiashcacuna” (Huillaj, 1 de mayo de 2012)