-
Bautizarishpaca cushillami causanguiHuiñai huiñaita cushilla causai Bibliamanta yachai
-
-
3. ¿Bautizaringapajca imatataj rurana can?
Bautizarisha nishpaca puntapica Jehová Diosmantami yachana cangui. Shinallataj paipi feta charishcatami ricuchina cangui (Hebreos 11:6-ta liyipai). Diosmanta ashtahuan yachashpa, cambaj feta sinchiyachishpaca Jehová Diostaca ashtahuanmi cꞌuyangui. Shinallatajmi shujtajcunaman Diosmanta huillasha ningui. Diospaj mandashcacunatapish cazusha ningui (2 Timoteo 4:2; 1 Juan 5:3). ‘Jehová Dios munashca shina causashpa, paita cushichishpaca’ ñami paiman mingarishpa bautizari tucungui (Colosenses 1:9, 10, NWT).a
-
-
Bautizarishpaca cushillami causanguiHuiñai huiñaita cushilla causai Bibliamanta yachai
-
-
a Shuj iglesiapi ña bautizarishca cashpaca cutinmi bautizarina cangui. ¿Imamanta? Chai iglesiapi Bibliamanta pandata yachachishcamanta (Hechos 19:1-5-tapish, yachai 13-tapish ricui).
-
-
¿Bautizaringapajca listochu cangui?Huiñai huiñaita cushilla causai Bibliamanta yachai
-
-
1. ¿Bautizaringapajca Bibliamanta tucuitachu yachana cangui?
Bautizaringapajca Bibliamanta ‘mana llullatami’ alli yachana cangui (1 Timoteo 2:4). Shinaca Bibliamanta tapuicunata cutichingapajca manaraj bautizarishpaca, ¿tucuitachu yachana cangui? Mana, mana tucuitachu yachana cangui. Achca huatacunata bautizarishcacunapishmi Bibliamanta yachashpa catincuna (Colosenses 1:9, 10). Bibliamanta mana tucuita yachashpapish minishtirishca yachaicunatami yachana cangui. Chaipajca congregacionta pushaj ancianocunami cantaca ayudanga.
-