Ñucanchij churarishca ropaca pi cashcatami ricuchin

Cada unomi ima laya ropata churarinata, ima shina allichirinata agllanchij. Shinapish Diospaj consejocunata cazushpaca pai munashca shinami churarishun. Chashnami ñucanchijca cushilla sintirishun, Diostapish cushichishun. Caimanta huaquin yuyaicunata yachashun.

1. ¿Ima shina churarinata yachangapajca ima consejocunatataj cati tucunchij?

Diosta sirvijcunaca ropataca allimi agllana canchij. Bibliapica: “Sumajta, mana pinganayajta, alli yuyaihuan churarichun” ninmi. Shinallataj limpio ropatami churarina canchij. Chashnami “Diosta tucui shunguhuan adoraj” cashcata ricuchishun (1 Timoteo 2:9, 10, NWT). ¿Cai versocunamantaca imatataj yachai tucunchij? Ñucanchij ropaca ‘sumaj’, mana maipish cachunmi cana can. Tandanacuipica Diosta sirvijcuna mana igual churarishpapish tucuicunami sumajta churarishpa, alli peinarishpa Jehová Diosta respetashcata ricuchinchij. “Mana pinganayajta” churaringapajca aliriyaj ropata, cuerpoman pegaricuj ropata o shujtajcuna ricuchunlla ropataca mana churarinachu canchij. Shinallataj “alli yuyaihuan” churaringapajca a la moda llujshishca ropataca mana churarinachu canchij. Ñucanchijca alli, sumajta churarishpaca Jehová Diosta sirvijcuna cashcatami ricuchishun. ‘Jehová Diosta tucui shunguhuan adorajcuna’ cashcatapishmi ricuchishun (1 Corintios 10:31).

2. ¿Allichiringapajca imamantataj huauqui panicunapiraj yuyana canchij?

Cada unomi imata churarinataca agllai tucunchij. Shinapish ñucanchij ima shina allichirishcaca shujtajcunata pandachi tucushcapimi yuyana canchij. Chaimantami shujtajcunata ama ñitcachingapaj cuidarina canchij. Bibliapica: “Cada quiquinmi ñucanchijca, shujtajpaj imapish alli canapaj, paita sinchiyachinapaj ayudana canchij” ninmi (Romanos 15:1, 2-ta liyipai).

3. ¿Ñucanchij ropahuanca ima shinataj shujtajcuna Jehová Diosta rijsichun ayudai tucunchij?

Maiman ringapaj, imata rurangapajpish ropataca allimi agllanchij. Pero tandanacuicunaman ringapaj, huillanaman llujshingapajmi ima ropata churarinataca ashtahuan alli ricushpa agllanchij. Gentecuna Diosmanta alli huillaicunata uyachun, ‘ñucanchijta Quishpichij Diospaj yachana sumaj cashcata’ yachachunmi munanchij (Tito 2:10). Alli allichirishca cajpica gentecunaca Diosmantami uyasha ningacuna.

ASHTAHUAN YACHAI

4. Alli allichirishpaca Diosta respetashcatami ricuchinchij

¿Imamantataj ñucanchij allichirishcataca alli ricuna canchij? Salmo 47:2-ta liyipai. Qꞌuipaca cai catij tapuicunatami yachashun:

• Ñucanchij ima shina allichirishcata ricushpaca, ¿gentecunaca imatataj Jehová Diosmantaca yuyangacuna?

• Tandanacuicunaman ringapaj, huillanaman llujshingapajpish, ¿imamantataj ñucanchij churarishcataca alli ricuna canchij?

5. Ima shina churarinata, ima shina allichirinata alli agllashun

VIDEOTA ricui.

VIDEO: “Tucui imata rurashpapish Diosta jatunyachingapaj ruraichij” (10:18)

Ñucanchij ropa mashna valishca cashcataca mana ricunachu canchij. Ashtahuanpish limpio cachun, alli cachunmi ricuna canchij. 1 Corintios 10:24 y 1 Timoteo 2:9, 10-ta liyipai. Qꞌuipaca cai catij tapuicunatami yachashun:

• ¿Imamantataj ñucanchij ropaca mana mapa o maipish cachun cana can?

• ¿Imamantataj ñucanchij ropaca cuerpoman pegaricuj o aliriyacujca mana cana can?

Cunan punllacunapi Diosta sirvijcunaca Moisesman cushca leytaca mana catinchijchu. Shinapish chai mandashcacunaca Jehová imata yuyashcatami yachachin. Deuteronomio 22:5-ta liyipai. Qꞌuipaca cai catij tapuicunatami yachashun:

• ¿Shuj cꞌarica imamantataj huarmi ropataca mana churarina can? ¿Shuj huarmica imamantataj cꞌari ropataca mana churarina can?

1 Corintios 10:32, 33 y 1 Juan 2:15, 16-ta liyipai. Qꞌuipaca cai catij tapuicunatami yachashun:

• ¿Ñucanchij vecinocuna, huauqui panicuna alli sintirichunca imamantataj alli churarina canchij?

• ¿Can causan lugarpica gentecunaca ima shinataj allichirincuna?

• ¿Can causan lugarpi gentecuna churarishcaca Diosta sirvijcunapajca allichu can? ¿Imamantataj chashna ningui?

YUYARISHUNCHIJ

Alli churarishpa, alli allichirishpaca Jehová Diostapish, shujtajcunatapish respetashcatami ricuchinchij.

Yuyaringapaj tapuicuna

• ¿Jehová Diosca imamantataj alli yuyashpa allichirichun munan?

• ¿Alli allichiringapajca Bibliapaj ima consejocunatataj catina canchij?

• ¿Ñucanchij churarishca ropata ricushpaca shujtajcunaca Diosmantaca imatataj yuyanga?

CAICUNATAPISH RICUI

¿Ñuca churarishca ropamantaca shujtajcunaca imatataj yuyancuna?

“¿Ñuca churarishca ropahuanca imatataj ricuchini?” (jw.org paginapi ricui)

Shuj tatuajeta manaraj rurashpa imamanta alli yuyana cashcata yachai.

“¿Tatuajecunata rurarinaca allichu can?” (jw.org paginapi ricui)

Alli decisioncunata agllangapajca Bibliamanta ashtahuan consejocunata yachai.

“Ñucanchij churarishca ropahuan Diosta jatunyachishunchij” (Huillaj, septiembre de 2016)

¿Shuj huarmica shujtajcuna allichirishcataca ima shinataj chasquirca?

“Shujtajcuna ima shina allichirishcata ricunami ñucapajca sinchi carca” (Rijchari, 22 de diciembre de 2003)