Yaya Diosta cꞌuyajcunahuan tiempota pasashunchij

¿Imamantataj Yaya Diosta cꞌuyaj huauqui panicunahuan tiempota pasana canchij? Pihuan pasashpapish paicuna layami allitapish, mana allitapish rurai callarishun (Pr 13:20). Por ejemplo rey Joasca sumo sacerdote Joiadahuan tiempota pasashpaca “Diospaj ñaupajpica ima pandata mana rurarcachu” (2Cr 24:2). Pero Joiada huañushca qꞌuipa mana alli amigocunahuan tandanacushpaca Jehová Diosmantami caruyarca (2Cr 24:17-19).

Apóstol Pabloca congregaciontaca shuj jatun huasihuanmi chꞌimbapurarca. Cutin huauqui panicunataca allita rurangapaj vasocunahuanmi chꞌimbapurarca. Ñucanchijpish allita rurangapaj vasocuna shina cangapajca congregacionpi, familia ucupi Diosta alli sirvijcunatami mashcana canchij (2Ti 2:20, 21). Diosta cꞌuyaj huauqui o panihuan tandanacujpica Diosta sirvishpa catichunmi animangacuna.

MANA ALLICUNAHUANCA AMA TANDANACUICHIJCHU NISHCA VIDEOTA RICUSHCA QꞌUIPA CAI TAPUICUNATA CUTICHI:

• ¿Ima shinataj maipica mana cuentata cushpa mana allicunahuan tandanacui tucunchij?

• ¿Videopi ricushca jovencunaca imamantataj mana allicunahuan apanacunata saquirca?

• ¿Alli amigocunata charingapajca ima versocunatataj yuyarina canchij?