Jesús shina causashunchij huillashunchij tandanacuipi imalla ruranata ricuchij pꞌanga nishca tandanacuipaj ayudacuna
5-11 DE AGOSTO
BIBLIAPI TIYAJ VALISHCA YUYAICUNA | 2 TIMOTEO 1-4
“Diosca manchana yuyaita cuj espiritutaca mana cushcachu”
w09 15/5 pág. 15 párr. 9
Joven espiritualmente sinchiyashpa cati
9 Apóstol Pabloca Timoteota ayudangapajca: “Diosca ñucanchijmanca, manchana yuyaita cuj espiritutaca mana cushcachu. Ashtahuanpish poderta cuj, cꞌuyaita cuj, quiquinllataj jarcarij canata cuj espiritutami cushca” nircami (2 Tim. 1:7). Caipi “quiquinllataj jarcarij cana” nishpaca alli yuyaiyuj cana nisha ninmi. Alli yuyaita charinaca causaipi ima llaqui tiyajpipish alli yuyashpa allichichunmi ayudan. Huaquin jovencunaca paipaj problemata sinchi sinchita shayarishpa allichinapaj randica, tucui punlla camallapi o televisionta ricushpallami pasancuna. Mana cashpaca drogata chupashpa, tragota ubyashpa, fiestacunaman rishpa, mapa ruraicunata rurashpami causancuna. Pero Diosta catijcunataca, “cai pacha millai munaicunatapish saquishpa, cai causaipica alli yuyaihuan cashcata rurashpa, Diospajlla causachunmi” animan (Tito 2:12).
“Cꞌari cꞌari caichij, ama manchaichijchu”
7 Apóstol Pablo Timoteoman escribishpaca: “Diosca ñucanchijmanca, manchana yuyaita cuj espiritutaca mana cushcachu. Ashtahuanpish poderta cuj espiritutami cushca. Chaimanta, ñucanchijta Mandaj Jesusmanta huillanataca ama pingaringui” nircami (2 Timoteo 1:7, 8; Marcos 8:38). Cai versota liyishpaca cai tapuicunapi yuyashun: “¿Ñuca religionpi Bibliamanta yachashpa crishcacunamantaca pingarinichu? ¿Trabajopi, escuelapi ñuca compañerocunamanca mana pacashpachu testigo de Jehová cashcata huillani? Dioshuan alli amistadta charishpa mana shujtajcuna laya cashcamantaca ¿cushicunichu?”. Pipish Diosmanta alli huillaicunata huillanata manchacushpaca Jehová Dios Josueman imata nishcatami yuyari tucun. Paica: “Cꞌari cꞌari caichij, ama manchaichijchu” nircami. Ñucanchij compañerocunapaj ñaupajpi alli ricurinaca mana importantechu can, Jehová Diospaj y Jesucristopaj ñaupajpi alli ricurinami ashtahuan importante can (Gálatas 1:10).
Bibliapi curita mashcaj shina mashcashunchij
2 Timoteo 2:3, 4, Traducción del Nuevo Mundo de las Santas Escrituras
Diospaj ñaupajpi alli ricurinata mashcashunchij
13 Timoteoca tucui shunguhuanmi Diospi crirca. Chaimantami Pabloca: ‘Canca Jesucristopaj alli soldadomi cangui’ nirca. Qꞌuipaca, “maijanpish soldado tucushpaca, paita mandajpaj munashcata rurana yuyaillami. Paipaj munaita ruranataca mana yuyanchu” nircami (2 Timoteo 2:3, 4). Cunan punllacunapica precursorcunapish, betelitacunapish, shujtaj huauqui panicunapishmi Pablo nishcata cazuncuna. Paicunaca mana charinallata yuyancunachu. Ashtahuanpish Proverbios 22:7-pi nishcatami yuyarincuna. Chaipica: ‘Cullquita surcujcunaca cullquiyujpajta rurajmi tucun’ ninmi. Maijancunaca huasita shayachingapaj, carrota randingapaj, estudiangapaj, o bodata rurangapajmi achcata deudarishcacuna. Diabloca chaicunallapi ocuparichunmi munan. Yangamanta dibiyashpaca achca huatacunatami pagana tucunga. Alli yachajcuna cashpaca minishtishcallahuanmi causashun. Shinallataj mana dibiyangapajmi fuerzarishun. Chashnami cai pachapi charijyana munaita saquishpa Diosta ashtahuan sirvishun (1 Timoteo 6:10).
w14 15/7 pág. 14 párr. 10
Diosta sirvijcunaca cashcata ruranatami cꞌuyan
10 Cunan punllacunapi Diosta sirvijcunaca huaquinllapimi congregación ucupi Diospaj contra tucujcunata o apostatacunata ricushcanchij. Shinaca Bibliamanta pandata yachachijcunataca mana uyanachu canchij. Shinallataj apostatacunapaj panda yuyaicunatapish mana chasquinachu canchij. Chaimanta Internetpi paicunapaj paginacunamanpish mana yaicunachu canchij. Aunque chai personata ayudasha nishpa paicunahuan parlanacunata mashcashpapish, “chꞌahuancunamanta anchuringui” nishpa Bibliapi mandashcatami mana cazucushcata ricuchishun. Jehová Diosta alli sirvijcunaca apostatacunamantami anchurinchij, paicunahuan mana tandanacunchijchu.
Bibliata rezashunchij
12-18 DE AGOSTO
BIBLIAPI TIYAJ VALISHCA YUYAICUNA | TITO 1-FILEMÓN
“¿Ancianocunataca picunataj nombrancuna?”
w14 15/11 págs. 28, 29
Caitami tapushcacuna
Ancianocunata ima shinalla nombrana cashcata Bibliapi mana tucuita huillashpapish huaquin yuyaicunatami nin. Chaipica Pablopish y Bernabepish paicuna punta cutin misionero shina viajashpaca, “crijcuna tandanacushca maillapi tiyanpipish, crijcunata cunaj yuyajcunata [o ancianocunata] agllarcacunami. Chashna agllashpaca, ayunashpa Diosta mañashpami, paicuna crishca Jatun Diosman mingarcacuna” ninmi (Hech. 14:23, Biblia en Quichua Chimborazo, 1989). Asha huatacuna qꞌuipa apóstol Pablo misionero shina sirvicuj Titoman escribicushpaca: “Ñuca mandashca shinallataj yachana illashcacunata yachachishpa, tucui pueblocunapi ancianocunata churachunmi Cretapi saquimurcani” nircami (Tito 1:5). Shinallataj Timoteopish Pablohuanmi achca huatacunata viajashpa purirca, paitapish chaillatatajmi mandashca canga (1 Tim. 5:22). Shinashpaca ancianocunataca superintendentecunami nombrajcuna carca, mana Jerusalenpi caj apostolcuna, ancianocunachu nombrajcuna carca.
Cai yuyaita Bibliapi nicujpimi Testigos de Jehovacunata ñaupajman pushaj huauquicuna o Cuerpo Gobernanteca ancianocunata, siervo ministerialcunata nombranapica shuj cambiota rurashcacuna. Caitaca 1 de septiembre de 2014 huatamantami rurai callarishcacuna: cada superintendente de circuitomi chai circuitopi ancianocunaca, chai huauquimi anciano o siervo ministerial cai tucun nishcapi alli ricuna, yuyana can. Ña congregacioncunata visitacushpaca maijan huauquicunatami ancianoca nirca chai huauquicunata alli rijsingapajmi esforzarina can. Pudishpaca paicunahuanmi predicanaman llujshina can. Pai visitacushca congregacionpi ancianocunahuan ña alli ricushca, yuyashca qꞌuipaca superintendente de circuitomi anciano cachun o siervo ministerial cachun nombrana responsabilidadta charin. Chashnami primer siglopi nombrajcuna cashca shinallataj catishun.
¿Picunallataj anciano, siervo ministerial nombranapica ayudancuna? Chaipica carana horaspitaj carana responsabilidadta charij “alli cazuj alli yuyaiyuj” sirvij huauquicunami can (Mat. 24:45-47, QC, 1989). Paicunami espíritu santopaj ayudahuan Diospaj pueblota alli organizanata Bibliapi alli investigancuna. Qꞌuipaca ima shinalla rurana cashcatami caishuj huauquicunaman yachachin. Shinallataj congregacioncunata visitaj superintendentecunata y miembros de Comité de Sucursalcunatami nombran. Chai huashaca cada sucursalmi paicunaman yachachishcata huauquicuna practicapi churachun ayudancuna. Cutin ancianocunaca congregacionpi shuj huauquita nombrachun nishun nishpaca, Bibliapi nicuj requisitocunata pajtachicujtami alli ricuna, yuyana can. Shinaca superintendente de circuitoca ancianocuna nishca huauquita nombrangapaj achca responsabilidadtami charin. Paica Diosta mañashpami alli yuyarishpa, requisitocunata pajtachij huauquita nombrashpa saquin.
Bibliapi curita mashcaj shina mashcashunchij
w89 15/5 pág. 31 párr. 5
Caitami tapushcacuna
Apóstol Pablo cai shimicunata nishpaca Creta llajtapi causajcunata mana yangapi churacurcachu. Creta llajtapica Diospaj espirituhuan agllashca alli sirvij huauqui panicuna tiyajtaca Pabloca allimi yacharca (Hechos 2:5, 11, 33). Diosta catijcuna achca tiyashcamantami “chꞌican chꞌican pueblocunapi” congregacioncuna callari pudirca. Chai llajtapi Diosta catijcuna juchayujcuna cashpapish llullajcuna, micunallapi yuyajcuna quillacunaca mana carcacunachu. Chashna cashca cashpaca Diospaj ñaupajpica mana alli ricurinmanchu carcacuna (Filipenses 3:18, 19; Apocalipsis 21:8). Ima shinami cunan punllacunapi tucui llajtacunapi tucun, chashnallatajmi Cretapipish alli shunguta charij gentecuna tiyarca. Paicunataca chaipi mana alli ruraicunami llaquichicurca. Chaimi Diosmanta yachachijpica cushicushpa chasquijcuna cashcanga (Ezequiel 9:4-taca Hechos 13:48-huan comparai).
w08 15/10 pág. 31 párr. 5
Tito, Filemón y Hebreos cartacunamanta alli yuyaicuna
15, 16. ¿Apóstol Pabloca imamantataj Filemontaca Onesimota cacharichichun mana mañarca? Pabloca Diosmanta huillana yuyaillami causarca. Paica “Dios mandacujpi ima shina canata, Mandaj Jesucristomantapish mana manchashpa, pi mana jarcashcami yachachishpa causarca”. Chaimantami cai mundopaj problemacunapi mana chagrurij carca (Hech. 28:31).
Bibliata rezashunchij
19-25 DE AGOSTO
BIBLIAPI TIYAJ VALISHCA YUYAICUNA | HEBREOS 1-3
“Cashcata ruranata cꞌuyashunchij, millaita ruranataca pꞌiñashunchij”
w14 15/2 pág. 5 párr. 8
¡Mandaj Jesucristotaca alabashunchigari!
8 Jehová Diosca 1914 huatami Jesús Mesías shina mandachun churarca. Bibliapica: “Cambaj varaca cashcata rurashpa mandanami” nin. Chaimantami Jesusca mana ñahuita ricushpalla mandanga. Shinallataj Bibliapica “Dioslla can mandashpa tiyanami” ninmi. Shinashpaca chai mandanata Jehová Dios callarichishcamantami Jesusca chaipi mandana derechota charin. Ashtahuancarin pai mandanaca “huiñai huiñaipajmi” canga. Shinaca Jehová Dios churashca Jatun Mandajta sirvicushcamantaca ¿manachu achcata cushicunchij?
w14 15/2 pág. 4 párr. 7
¡Mandaj Jesucristotaca alabashunchigari!
7 (Salmo 45:6, 7-ta liyipai). Jesusca cashcata ruranatami achcata cꞌuyan. Cutin paipaj Yayapaj shutita mapayachij cosascunataca achcatami pꞌiñan. Chaimantami paitaca Jehová Diosca paipaj Mandanapi Mesías shina mandachun agllarca. Shinallataj Davidpaj miraimanta shamuj mandajcunatapish yallimi Diosca cushichina “aceitehuan llihuij shina” chꞌicanchirca. Jesustaca Jehová Diosllatajmi Rey cachunpish, Sumo Sacerdote cachunpish agllarca. Chaimantami paica shujtaj mandajcunamanta yalli carca (Sal. 2:2; Heb. 5:5, 6). Ashtahuancarin Jesusca mana aceitehuanchu agllashca carca, espíritu santohuanmi agllashca carca. Shinallataj paipaj mandanaca mana cai Allpapichu can, jahua pachapimi can.
Bibliapi curita mashcaj shina mashcashunchij
it-1 pág. 1211
Imagen
¿Jesusca paipaj Yaya shina cashcatachu tucuipi ricuchirca?
Diospaj punta Churi Jesusca paipaj Yaya ima shina cajta ricuchijmi (2Co 4:4). Chai Churitami Diosca, “ñucanchijman rijchaj, ñucanchijtajlla runata rurashun” nirca. Shinaca Churi Yaya shina cashcaca, Jehová Dios paipaj Churita rurashca horasmantami tiyai callarirca (Gé 1:26; Jn 1:1-3, Traducción del Nuevo Mundo; Col 1:15, 16). Jesús cai Allpapi jucha illaj runa shina cashpaca paipaj Yaya shina llaquij, cꞌuyaj cashcatami alli ricuchirca. Chaimi paica: “Pipish ñucata rijsijca, ñuca Yayatapish ñami rijsin” nirca (Jn 14:9; 5:17, 19, 30, 36; 8:28, 38, 42). Jesús jahua pachapi espíritu shina causarishca huashami paipaj Yayaca, “jahua pachapipish, cai pachapipish tucuita mandanata” paiman curca. Chaimi paipaj Yayaman rijchaj cashcataca ashtahuan clarota ricuchirca (1Pe 3:18; Mt 28:18). Shinaca Jehová Diosca Jesustaca “tucui ima tiyajcunapaj jahuapimi jatunyachirca”. Chaimi Jesusca paipaj Yayaman rijchaj cashcataca cai Allpaman manaraj shamushpa ricuchishcatapish yalli ricuchirca (Flp 2:9; Heb 2:9). Cunanca “Dios ima shina cashcataca paipaj Churimi ricuchicun” (Heb 1:2-4).
Hebreos 1:10-12, NM
it-1 pág. 478 párr. 2
Jahua pacha
Salmo 102:25, 26-pi nishca shimicunaca Jehová Diostami nicun, pero apóstol Pabloca chai shimicunataca Jesucristota ningapajmi utilizarca. ¿Imamanta? Paica Diospaj shujlla Churi Jesús paipaj Yayata tucui ima tiyashcata rurashpa ayudashcamantami cai shimicunata nirca. Shinapish Pabloca, Diosca jahua pachata, cai pachataca shuj mantota pilluchij shinallami chingachi tucun. Ashtahuanpish Jesusca huiñai huiñaitami causanga nircami (Heb 1:1, 2, 8, 10- 12).
Bibliata rezashunchij
26 DE AGOSTO A 1 DE SEPTIEMBRE
BIBLIAPI TIYAJ VALISHCA YUYAICUNA | HEBREOS 4-6
“Diospaj samana punllapi yaicungapaj tucui pudishcata rurashunchij”
w11 15/7 pág. 24 párrs. 3-5
¿Diospaj samana punllaca imataj can?
3 Primer siglopipish canchis punlla o Diospaj samana punlla nishcaca caticurcarajmi. Chaitaca ishqui yuyaicunami ricuchin. Puntaca samana punllata mana respetanchu nishpa Jesusta juchachicujcunaman pai imata cutichishcapimi nicun. Paicunaca Moisesman cushca Leypica samana punllaca mana trabajana ninchu, Jesús samana punllapi milagrocunata rurashpaca trabajacushca layallatajmi nishpami juchachircacuna. Chaimi Jesusca: “Ñuca Yayaca, trabajanataca mana saquinchu. Ñucapish trabajanataca mana saquinichu nishpa cutichirca” nirca (Juan 5:16, 17). Chashna nishpami Jesusca paita juchachicujcunamanta difindirirca. Shinallataj Jesusca: “Ñucapish, ñuca Yayapish chai trabajollapitajmi trabajacunchij, paica samana punllapimi huaranga huaranga huatacunata trabajashpa caticushca, chaimantami ñucapish samana punllapi trabajacuni” nicuj layami carca. Chashnami Jesusca cai Allpapi Diospaj samana punllaca todavía caticushcata intindichirca.
4 Ishquipica, apóstol Pablo Diospaj ayudahuan parlashca shimicunapimi huillacun. Paica Diospaj samana punllamanta quillcacushpaca, Génesis 2:2-pi tiyaj shimicunata manaraj nishpami: “Ñucanchijca crishcamantami samarinapica yaicurcanchij” nishpa quillcarca (Heb. 4:3, 4, 6, 9). Shinaca apóstol Pablo intindichishca shinami canchis punllaca manaraj tucurishca carca. Pero ¿ima horascamataj Diospaj samana punllaca catina carca?
5 Cai tapuita yachangapajca Jehová Dios canchis punllata imapaj rurashcata yuyarishun. Génesis 2:3-pica, “chai punllataca paipajlla chꞌicanchishca samana punlla cachunmi alli nirca” ninmi. Shinaca Jehová Diosca paipaj munaita cai Allpapi rurangapajmi chai punllata chꞌicanyachirca. Paica cai Allpapi paita cazuj gentecunalla causachun, tucui cai Allpata chaipi imalla causajcunatapish cuidachunmi munan (Gén. 1:28). Jehová Diosca paipaj munaita pajtachingapaj “trabajanataca mana saquinchu”. Bibliapica Jesucristoca “samana punllata Mandajmi” ninmi. Shinaca paipish Diospaj munai pajtarichunmi trabajacun (Mat. 12:8). Shinashpaca cai Allpapica Diospaj munai tucui pajtaringacamami samana punllaca catinga. Chaica huaranga huatacunata Jesucristo Mandana tucurishca huashami canga.
w11 15/7 pág. 25 párr. 6
¿Diospaj samana punllaca imataj can?
6 Jehová Diosca paipaj munai maijan cashcatami Adán y Evamanca alli huillarca. Paicunaca chaita yachashca jahuami mana cazurcacuna. Qꞌuipa huatacunamanca millones gentecunapishmi Adán Eva shina Diosta mana cazurcacuna. Dios agllashca israelitacunahuanpish chaillatajmi tucurca. Achca huatacuna qꞌuipa Jesusta catijcunapish ama chai juchapi urmachun nishpami apóstol Pabloca: “Chaimanta ñucanchijpish paipaj samarinaman yaicuna yuyailla cashunchij. Chai mana cazujcuna urmashca shinaca, maijanpish amataj urmashunchijchu” nishpa advertirca (Heb. 4:11). Pabloca, Diosta mana cazushpaca Diospaj samana punllaman mana yaicuna cashcatami intindichirca. Cai shimicunaca ñucanchijtapishmi adverticun. Shinaca ¿Diospaj voluntadpaj contra imatapish rurashpaca imashi tucushun? ¿Diospaj samana punllaman ñucanchij yaicunatachu peligropi churacunchijman? Cai tapuicunapimi alli yuyana canchij, caitaca ñallami yachashun. Cunanca imamanta israelitacuna Diospaj samana punllaman mana yaicushcata, paicuna mana alli ejemplota saquishcatami ricugrinchij.
w11 15/7 pág. 28 párrs. 16, 17
¿Diospaj samana punllaca imataj can?
16 Cunan punllacunaca Moisesman cushca Leypi huaquin mandashcacunata cazushpami salvarisha nishpaca ni pi mana ninchijmanchu. Efesocunaman cartata escribicushpaca apóstol Pabloca: “Crishcamantami mana cꞌuyaipajta cꞌuyashpa quishpichishcacuna canguichij. Mana cancunallatajchu quishpirircanguichij. Ashtahuanpish chaica, Dios cushcallami. Pi ama jatun tucuchunmi, rurashcacunamantaca mana quishpichishca” nircami (Efe. 2:8, 9). Shinashpaca Diospaj samana punllaman yaicungapajca ¿imatataj rurana canchij? Jehová Diosca cai Allpapi paipaj munaita pajtachingapajmi canchis punllata, paipaj samana punllata chꞌicanyachirca chaitami yuyarina canchij. Shinaca chai punllaca especial punllami can. Shinashpaca Jehová Diospaj samana punllaman yaicungapaj o chaipi cangapajca Diospaj munai pajtarichunmi paipaj organización ucupi mushuj yachachishcacunata cazuna y apoyana canchij.
17 Alli yuyaj, alli sirvij Bibliamanta yachachishcacunata, nunca mana ladoman saquinachu canchij. Ñucanchij munashca shina imatapish rurashpaca Jehová Diospaj voluntadpaj contrami tucushun, paihuan amigo canatami pirdishun. Cunan punllacunaca ¿imapitaj Diosta cazunaca ashtahuan sinchi can? Cai yuyaicunamantami catij temapi yachashun. Shinallataj sinchi horascunapi ñucanchij imata decidishcacunami Diospaj samana punllaman yaicushcata ricuchin chaitapishmi yachashun.
Bibliapi curita mashcaj shina mashcashunchij
Caitami tapushcacuna
¿Hebreos 4:12-pi, “Diospaj Shimica causajmi, tucuita rurai tucujmi” nishcaca imataj can?
▪ Cai versopica apóstol Pabloca Diospaj munai maijan cashcata huillashca shimicunatami nicurca. Chaitaca Hebreos 4:12 huasha y qꞌuipa versocunapimi yachachin.
Ñucanchij publicacioncunapica achca cutinmi Hebreos 4:12 versotaca gentecunapaj causaita cambiangapajmi Bibliaca poderta charin nishpa yachachingapaj churashcanchij. Chaica ciertomi can. Shinapish cai Hebreos 4:12 imallata nisha nishcatami alli intindina canchij. Pabloca hebreo crijcunataca Diospaj munai pajtarichunmi pai munashca shina imatapish rurana o comportana canguichij nircami. Diospaj munaicunamantaca Bibliapimi huillacun. Pabloca israelitacunapaj ejemplopi yuyashunchij nircami. Paicunaca Egipto llajtapi esclavo shina cashcamantami cacharichishca carcacuna. Chashnami Dios cusha nishca sumaj allpaman yaicuna esperanzata charircacuna. Chai allpaca “lechepish, sacha chuspipaj mishquipish yacu llujshicuj shina tiyan shuj jatun sumaj llajtami” carca. Chaipica ciertotaj samarina pushtumi carca (Éx. 3:8; Deut. 12:9, 10).
Chaimi Jehová Diospaj munai carca. Chaitaca ñaupashpami huillarca. Pero qꞌuipaca israelitacunaca rumi shungumi tucurcacuna, Diospi mana crircacunachu. Chaimantami achca israelitacunaca Dios cusha nishca samana pushtuman mana yaicurcacuna (Núm. 14:30; Jos. 14:6-10). Shinapish apóstol Pabloca Diosca, “ñucahuan samarinaman yaicuna tiyanmi nicunrajmi” nircami (Heb. 3:16-19; 4:1). Jehová Dios imalla rurasha nishcata pajtachinataj cashcata Bibliapi ricuchingapajmi Pabloca Génesis 2:2 y Salmo 95:11 versocunata nirca. Shinaca Diospaj samarinaman yaicuna promesaca Jehová Dios paipaj munai maijan cashcata huillashca shimicunami can. Ñucanchijpish hebreo crijcuna shinami Diospaj munaimanta yachashpa cazuna, apoyana canchij.
Apóstol Pabloca: “Diosca ñucahuan samarinaman yaicuna tiyanmi nicunrajmi” nircami. Cai shimicunaca ñucanchijcunataca achcatami cushichin. Diospaj samanaman yaicui tucushcata yachashcamantami, chaiman yaicungapaj tucui shunguhuan esforzarishcanchij. Moisesman cushca Leyta cazushcallamantami Diostaca cushichishun nishpaca mana yuyachinchu. Ñucanchijca Diospi feta charishcatami ricuchinchij. Dios paipaj munai maijan cashcata huillashcatapish tucui shunguhuanmi apoyanchij y apoyashpami catishun. Chashnallataj callaripi ña nishca shinallatajmi muyundij Allpapica achca gentecuna Bibliata estudiai callarishcacuna. Chashnami Diospaj munaimanta yachaj chayashcacuna. Chaimi paicunapaj causaipi cambiocunata rurashcacuna, Diospi feta churashcacuna y bautizarishcacuna. Caica “Diospaj Shimica causaj, tucuita rurai tucuj” cashcatami ricuchin. Shinaca Bibliapi tiyaj Diospaj Shimica ñucanchij causaipimi ayudashca y ayudashpami catinga.
it-1 pág. 851 párr. 1
Shuyana
Jehová ‘Dios cayashcacunaca’ huiñai causaita, mana ismuj cuerpotami chasquingacuna (Heb 3:1). Cai shuyana yuyaica mana cuyuchipaj, pajtarinataj cashcapi confianami can. Jehová Dios nunca mana llullaj cashcata ricuchingapaj ima shina mana shujtajyachipajta nishcaca ishquimi tiyan. Shujpica Dios imata cusha nishcacuna, ishquipica paipaj quiquin shutillapitaj cushatajmi, pajtachishatajmi nishca juramento. Shinallataj Jesucristomantami chaica pajtaringa. Paica cunanca mana huañuj cuerpohuanmi jahua pachapi can. Shinaca, cai shuyana “yuyaica barcota charicuj fierro shinami ñucanchij almataca sinchita charicun. Diospaj carpa huasi ucupi linsohuan jarcachishca huasha ucucamami chayachin [caica juchacunamanta llaquirina punllapi ofrendata cunaman sumo sacerdote Santísimo nishca ucuman yaicushca shinami can]. Chai ucumanca Jesusmi ñucanchij yaicuna ñanta pascashpa yaicushca. Chashnami Melquisedec cura cashca shinallataj curacunata jatun pushaj huiñaipaj cura tucushca” (Heb 6:17-20).
Bibliata rezashunchij