YACHAI 57
¿Shuj jatun juchapi urmashpaca imashi tucusha?
Can tucui shunguhuan Jehová Diosta cꞌuyashpapish, paita mana llaquichisha nishpapish maipica pandaringuimi. Pero huaquin pandarishcacunaca jatun juchacunami can (1 Corintios 6:9, 10). Shuj jatun juchapi urmajpipish Jehová Dios canta cꞌuyanataca mana saquingachu. Paica canta perdonangapaj, canta ayudangapajca listomi can.
1. ¿Jehová Dios perdonachunca imatataj rurana canchij?
Jehovata cꞌuyajcuna jatun juchapi urmashcata cuentata cushpaca llaquillami sintirin. Pero Jehová Diosca paipaj pueblota cushichingapajca cashnami nirca: “Cancunapaj juchacuna amsa puca cajpipish, rasu shina yurajllata yurajyachishcami canga” (Isaías 1:18). Shungumanta arrepintirijpica Jehová Diosca tucuitami perdonan. ¿Arrepintirinaca imatataj nisha nin? Juchata rurashcamanta shungumanta nanarina, chai juchata ruranata saquina, Jehová Diosta perdonta mañana cashcatami nisha nin. Ashtahuanpish ñucanchij yuyaita cambiangapaj, chai juchapi ama cutin urmangapaj, Dios mandashca shina chuya causaita charingapajmi esforzarina canchij (Isaías 55:6, 7-ta liyipai).
2. ¿Shuj juchata rurajpica Diosca ima shinataj ancianocunahuan ñucanchijtaca ayudan?
Jatun juchata rurajcunataca Jehová Diosca: “Tandanacushca crijcunata cunaj yuyajcunata cayaichij” nishpami aconsejan (Santiago 5:14, 15-ta liyipai). Cai huauquicunaca espíritu santohuan agllashca cashcamantami Jehová Diostapish, paipaj ovejacunatapish cꞌuyan. Paicunami Jehová Dioshuan cutin alli apanacuchun ñucanchijtaca ayudan (Gálatas 6:1).
¿Shuj jatun juchapi urmajpica ima shinataj ancianocunaca ayudancuna? Ishqui o quimsa ancianocunami mana allita rurashcata intindichingapaj Bibliahuan ayudancuna. Shinallataj cutin juchapi ama urmachunpish huaquin consejocunatami cuncuna. Pero juchata ruraj mana arrepintirijpica, congregacionpi huauqui panicunata cuidangapajmi juchata rurajtaca congregacionmanta llujchincuna.
ASHTAHUAN YACHAI
Shuj jatun juchapi urmajpi ñucanchijmanta Jehová Dios imata rurajta yachashpa agradici.
3. Ñucanchij juchacunata huillanami Dioshuan cutin alli apanacuchun ayudan
Ima juchapi urmashpapish Jehová Diostami llaquichinchij. Chaimantami chai juchacunataca huillana canchij. Salmo 32:1-5-ta liyipai. Qꞌuipaca cai catij tapuitami yachashun:
¿Ñucanchij juchacunata pacanapaj randica imamantataj Diosman huillana canchij?
Ñucanchij juchacunata Jehová Diosman huillashpapish ancianocunapaj ayudata chasquishpaca tranquilomi sintirishun. VIDEOTA ricui. Qꞌuipaca cai catij tapuitami yachashun:
¿Canon shuti huauqui Jehová Diospajman cutin tigrachunca ancianocunaca ima shinataj ayudarca?
Ancianocunamanca tucuitami mana llullashpa huillana canchij. Paicunaca ñucanchijta ayudangapajca listomi can. Santiago 5:16-ta liyipai. Qꞌuipaca cai catij tapuitami yachashun:
¿Ancianocuna ayudachunca tucuita huillanaca imamantataj alli can?
Juchata rurashcata huillai, shungumanta ancianocunahuan parlai. Shinallataj Jehová cushca ayudata chasqui.
4. Juchapi urmashcacunataca Jehová Diosca llaquinmi
Shuj jatun juchata rurashpa Jehová Dios mandashcacunata mana cazusha nijpica congregacionmantami llujshichishca can. Chaimantami paihuanca tandanacunata, parlanacunatapish saquinchij. 1 Corintios 5:6, 11-ta liyipai. Qꞌuipaca cai catij tapuicunatami yachashun:
Levaduraca tucui masatami pꞌunguillichin. Shinallataj juchata ruraj mana arrepintirijpi paihuan tandanacushpa catijpica, ¿congregacionpica imataj tucunga?
Ancianocunaca Jehová Dios shina llaquijcuna cashpami congregacionmanta llujshichishcacunata ayudanata munancuna. Achcacunaca congregacionmanta llujchishca cashpapish cutinmi congregacionman tigrashcacuna. ¿Imamanta? Paicunaca chashna disciplinata chasquishpami mana allita ruracushcata cuentata cushcamanta (Salmo 141:5).
¿Jehová Diosca ima shinataj intindij, llaquij, cꞌuyaj cashcata ricuchin?
5. Arrepintirijpica Jehová Diosca perdonanmi
Juchata ruraj arrepintirijpi, Jehová Dios ima shina sintirijta intindichingapajmi Jesusca shuj chꞌimbapuraita churashpa parlarca. Lucas 15:1-7-ta liyipai. Qꞌuipaca cai catij tapuitami yachashun:
¿Cai chꞌimbapuraica Jehová Diosmantaca imatataj yachachin?
Ezequiel 33:11-ta liyipai. Qꞌuipaca cai catij tapuitami yachashun:
¿Shungumanta arrepintirishcata ricuchingapajca imatataj rurana canchij?
Jehová Diosca shuj michij shinami paipaj ovejacunamantaca achcata preocuparin.
HUAQUINCUNACA: “Ancianocunahuan parlanataca manchanayanmi. Juchata rurashcata paicunaman huillajpica congregacionmantami llujchingacuna” nincunami.
¿Cashna nijcunamanca canca imatataj ninguiman?
YUYARISHUNCHIJ
Jatun juchata rurashpa shungumanta arrepintirijpi, chai juchata cutin mana rurajpica Jehová Diosca perdonangami.
Yuyaringapaj tapuicuna
¿Imamantataj ñucanchij juchacunata Jehová Diosman huillana canchij?
¿Jehová Dios ñucanchij juchacunata perdonachunca imatataj rurana canchij?
¿Shuj jatun juchata rurashpaca imamantataj ancianocunapaj ayudata mashcana canchij?
CAICUNATAPISH RICUI
Isaías 1:18-pi nishca shina shuj runa Jehová Dios paita llaquishcamanta ima shina beneficiarishcata ricui.
Jehová Dios llaquij cajtaca amataj cungarishunchijchu (5:02)
¿Jatun juchapi urmajpica ancianocunaca ima shinataj ayudancuna?
“Ancianocuna, juchata rurajcunata llaquishpa cꞌuyaihuan trataichij” (Huillaj, agosto 2024)
Juchata rurajcunaman ima shina llaquishcata, cꞌuyaita ricuchishcata yachai.
“Ancianocuna, congregacionmanta llujshichishcacunata ayudaichij” (Huillaj, agosto 2024)
“Jehovapajman tigranatami minishtircani” nishca temapi Jehová Dios paipaj puebloman cutin pushamujpi shuj runa ima shina sintirishcata yachai.
“Bibliata yachashpami cambiashcacuna” (Huillaj, 1 de abril de 2012)