3. ¿Testigo de Jehovacunaca ima shinataj Jesús shina cꞌuyaita ricuchinchij?

Jesusca paipaj catijcunataca achcatami cꞌuyarca. Paipajca shuj familia shinami carca (Marcos 3:35-ta liyipai). Testigo de Jehovacunapish muyundij Allpapimi shuj familia shina canchij. Chaimantami ñucanchijpuraca huauqui pani ninacunchij (Filemón 1, 2). Ashtahuanpish ‘tucui huauquicunata cꞌuyaichij’ nishcatami cazunchij (1 Pedro 2:17). Huauqui panicuna llaquicunata charijpica ayudangapajmi tucuita ruranchij. Chashnami cꞌuyashcata ricuchinchij.

6. Bautizarishpaca Jehovapaj familiami tucunchij

Bautizarishpaca muyundij Allpapi tiyaj huauqui panicunahuanmi shuj familia shina tucunchij. Maimanta cashpapish tucuicunami chaillatataj crinchij. Biblia nishcacunatapishmi pajtachinchij. Salmo 25:14 y 1 Pedro 2:17-ta liyipai. Qꞌuipaca cai catij tapuitami yachashun:

• Cai versocunapi nishca shinaca ¿bautizarishpaca ima bendicioncunatataj charinchij?

Ñucanchij huauqui panicunahuan cashpaca rey David shinami sintirinchij. Paica: “Riquichij, ¡Huauquindijcuna tandalla, shuj shinalla causanaca yallitaj alli, yallitaj sumajmari!” nircami (Salmo 133:1). Tucuicuna tandalla causangapajmi cada uno esforzarina canchij.

1. ¿Testigo de Jehovacunaca imatataj rurancuna?

Shujtaj llajtapi shuj congregacionta visitashpaca paicuna rimashca shimitaca manachari intindingui. Shinapish quiquin llajtapi cashca shinallatajmi alli sintiringui. ¿Imamantataj chashna sintiringui? Maiman rishpapish testigo de Jehovacuna chai publicacioncunallahuantajmi Bibliata estudianchij. Shinallataj caishuj chaishuj cꞌuyaita ricuchingapajmi esforzarinchij. Maipi causashpapish tucuicunami ‘Jehová Diospaj shutita jatunyachinata, tucuicuna tandalla paita adoranata’ munanchij (Sofonías 3:9, nota, NWT).

2. ¿Congregación tandalla cachunca ima shinataj ayudai tucungui?

‘Caishuj chaishuj shungumanta ashtahuan cꞌuyanacuichij’ (1 Pedro 1:22). ¿Cai shimicunataca ima shinataj pajtachi tucungui? Shujtajcunapaj pandarishcacunata ricunapaj randica paicunapaj alli ruraicunatami ricuna cangui. Canhuan igual cajcunallahuanca mana tandanacunachu cangui. Ashtahuanpish shujtaj llajtamanta, shujtaj culturamanta caj huauqui panicunata rijsingapajmi esforzarina cangui. Shinallataj shujtajcunamanta ima mana allita ama yuyangapajmi esforzarina cangui (1 Pedro 2:17-ta liyipai).a

3. ¿Shuj huauquihuan o shuj panihuan mana de acuerdo cashpaca imatataj rurai tucungui?

Tucuicunahuan alli apanacungapaj esfuerzota rurashpapish juchayujcuna cashcamantami caishuj chaishuj llaquichinacunchij. Chaimantami Bibliapica: ‘Caishuj chaishuj ahuantanacushpa catichij. Jehová Diosca cancunataca shungumantami perdonarca, cancunapish chashnallataj ruraichij’ nin (Colosenses 3:13-ta liyipai, NWT). Achca cutin mana allita rurajpipish Jehová Diosca perdonanmi. Chaimantami ñucanchij huauqui panicunata perdonachun munan. Shuj huauquita o shuj panita llaquichishcata cuentata cushpaca paihuan alli tucungapajmi utca parlana cangui (Mateo 5:23, 24-ta liyipai).b

ASHTAHUAN YACHAI

4. Tucuicunata igual tratai

Tucui huauqui panicunamanmi cꞌuyaita ricuchisha ninchij. Pero maipica ñucanchij laya mana cajcunaman cꞌuyaita ricuchinaca sinchimi ricurin. Chaipica ¿imatataj rurana canchij? Hechos 10:34, 35-ta liyipai. Qꞌuipaca cai catij tapuicunatami yachashun:

• Jehová Diosca paita sirvichunca tucui laya gentecunatami agllashca. Shinaca ¿can laya mana caj gentecunataca ima shinataj tratana cangui?

• ¿Can causaj ladopica shujtaj laya gentecunataca ima shinataj tratancuna? ¿Paicuna shina ama tratangapajca imatataj rurana cangui?

2 Corintios 6:11-13-ta liyipai. Qꞌuipaca cai catij tapuitami yachashun:

• ¿Huauqui panicunata cꞌuyashpa catingapajca imatataj rurana cangui?

5. Shungumanta perdonashpa shujtajcunahuan alli tucui

Ñucanchijca Jehová Diostaca mana perdonana canchijchu. Pero paica siempremi ñucanchijtaca perdonan. Salmo 86:5-ta liyipai. Qꞌuipaca cai catij tapuicunatami yachashun:

• Cai versopi nishca shinaca ¿Jehová Diosca ima shinataj perdonan?

• ¿Jehová Dios perdonaj cashcamantaca agradecidochu sintiringui? ¿Imamantataj chashna sintiringui?

• ¿Ima horataj shujtajcunahuan apanacunaca sinchi cai tucun?

Jehová Diospaj ejemplota catishpa, ñucanchij huauqui panicunahuan tandalla cangapajca, ¿imatataj rurana canchij? Proverbios 19:11-ta liyipai. Qꞌuipaca cai catij tapuitami yachashun:

• ¿Shujtajcuna canta llaquichijpica imatataj rurana cangui?

Maipica ñucanchijmi shujtajcunataca llaquichinchij. ¿Chaipica imatataj rurashun? VIDEOTA ricui. Qꞌuipaca cai catij tapuitami yachashun:

VIDEO: Shujtajcunata perdonashpaca bendicioncunatami charishun (6:01)

• ¿Videopi ricurij panica shujtaj panihuan cutin alli tucungapajca imatataj rurarca?

6. Huauqui panicunapaj alli ruraicunata ricui

Huauqui panicunata ashtahuan rijsishpaca mana paicunapaj alli ruraicunallatachu ricunchij. Ashtahuanpish paicunapaj pandarishcacunatapishmi ricunchij. ¿Huauqui panicunapaj alli ruraicunallata ricungapajca imatataj rurana canchij? VIDEOTA ricui. Qꞌuipaca cai catij tapuitami yachashun:

VIDEO: ¡Allita rurashpa catingui! (5:11)

• ¿Huauqui panicunapaj alli ruraicunata ricuchunca imataj ayudai tucun?

Jehová Diosca ñucanchij alli ruraicunallatami ricun. 2 Crónicas 16:9a-ta liyipai. Qꞌuipaca cai catij tapuitami yachashun:

• ¿Jehová Dios cambaj alli ruraicunallata ricujta yachashpaca ima shinataj sintiringui?

YUYARISHUNCHIJ

Huauqui panicunata perdonashpa, tucuicunaman cꞌuyaita ricuchishpaca congregación tandalla cachunmi ayudangui.

Yuyaringapaj tapuicuna

• ¿Tucuicunata alli tratangapajca imatataj rurana cangui?

• ¿Shuj huauquihuan o shuj panihuan mana de acuerdo cashpaca imatataj rurana cangui?

• ¿Jehová perdonashca shinallatajchu perdonasha ningui? ¿Imamantataj chaita rurasha ningui?

CAICUNATAPISH RICUI

¿Jesusca shujtajcunata mana juzgana cashcata yachachingapajca ima ejemplotataj churarca?

¡Cambaj ñahuimanta jatun caspitaraj anchuchiyari! (7:01)

¿Ima mana allita rurashpapish shujtajcunata perdonta mañanachu canchij?

“Perdonta mañanaca cutin alli apanacuchunmi ayudan” (Huillaj, 1 de noviembre de 2002)

Huaquincunaca tucuicunata igual tratanatami yachashcacuna. Chaita ima shina rurashcata ricui.

Ñahuita ricushpalla ama juzgashunchij (5:06)

Shuj problemata charishpa utca allichina cashcata yachai. Chashnami congregacionpica tandalla, sumajta causangui.

“Shujtajcunahuan problemacunata charishpaca cꞌuyaihuan allichishun” (Huillaj, mayo de 2016)