“Andamos por fe, no por vista”

Jerusalén llajta manaraj llaquichishca cajpimi apóstol Pabloca chaipi causaj huauquicunata panicunataca, Jesucristopaj alli soldado cashcamantaca llaquicunatami charinguichij. Cancuna charishca cosascunatapish, cancunapaj munaicunatapish saquinami canguichij nircami (2 Tim. 2:3, 4). Diosta mana cazusha nij gentecunata tucuchina punlla chayamucushcamantami, Diospaj munaita puntapi churangapaj ñucanchij crishcacunata sinchiyachina canchij. (2 Cor. 4:18; 5:7). Internetpi jw.org paginapi PUBLICACIONES > DOCUMENTALES Y PELÍCULAS nishcaman yaicushpa “Andamos por fe, no por vista” nishca peliculata ricui. Chaipica Nadab y Deboramantami yachangui. Paicuna charishca cosascunapi yallitaj yuyashcamanta ima tucushcata ricui. Cunanca huaquin tapuicunata cutichi.

1) ¿Punta siglopi ‘chingachij millai runa, Diospaj jucha illaj huasipi cajca’ pitaj carca? ¿Jerusalén llajtapi causaj huauquicuna panicunaca imatataj rurana carca? (Mat. 24:15, 16). 2) ¿Jerusalenmanta llujshingapajca imamantataj paicunapaj crishcacunaca sinchi cana carca? 3) ¿Imallatataj saquina carca? 4) ¿Nadabpish Débora huarmipish imamantataj Jerusalenmanta mana utca llujshircacuna? (Mat. 24:17, 18). 5) ¿Jerusalenmanta llujshishca qꞌuipaca, Raquelpajca imataj sinchi carca? (Mat. 10:34-37; Mar. 10:29, 30). 6) ¿Jafet tucui shunguhuan Diospi crishcamantaca imatataj yachacunchij? 7) ¿Pela llajtapi causaj huauquicuna panicunaca ima llaquicunatataj chꞌimbapurarca? 8) ¿Nadabpaj Deborapaj crishcacunaca ima shinataj chiriyashpa catirca? 9) ¿Pela llajtamanta huauquicunata panicunataca ima shinataj Jehová Diosca cuidarca? (Mat. 6:33; 1 Tim. 6:6-8). 10) ¿Cai pachapaj ruraicuna ñalla tucurinata yachashpaca, imatataj Abrahammanta Saramantapish yachai tucunchij? (Heb. 11:8-10). 11) ¿Nadabca imamantataj paipaj huarmindij Jerusalenman tigrarca?¿Imamantataj paicunallataj umarishpa pandarircacuna? (Luc. 21:21). 12) ¿Nadab paipaj huarmindij Jerusalenman tigrajpica causaica ima shinataj carca? 13) ¿Imamantataj cai pachapaj ruraicuna manaraj tucurijpi ñucanchij crishcacunata sinchiyachina canchij? (Luc. 17:31, 32; 21:34-36).

¿Crishcata catinaca imataj can? 1) Jehová Diospi tucui shunguhuan crina, 2) Jehová Dios ñucanchij causaita pushachun saquina, 3) Cosascunata charinallapi yuyanapaj randi, Jehová Diospaj munaita puntapi churanatami nisha nin. 1 Juan 2:17-pica: “Cai pachaca, tucui munaicunandijmi chingaricun, Ashtahuanpish Diospaj munaita rurajca, huiñaitami causanga” ninmi. Chaimantami tucuicuna ñucanchij crishcacunata sinchiyachishpa Diospaj munaita rurashpa catina canchij.