Ñucanchij Tandanacuna Huasita shayachina, cuidanaca jatun bendicionmi can

Jehovapaj huasita shayachingapajca achca trabajo, cullquimi minishtirirca. Shinapish israelitacunaca cushicushpami ayudarca (1Cr 29:2-9; 2Cr 6:7, 8). Qꞌuipaca Jehovapaj huasita allichishpami tucui shunguhuan Jehová Diosta adoracushcata ricuchircacuna (2Re 22:3-6; 2Cr 28:24; 29:3). Cunan punllacunapish Tandanacuna Huasicunata, Jatun Tandanacuna Huasicunata shayachingapaj, pꞌichangapaj, allichingapajca achca tiempo, trabajo, cullquimi minishtirin. Tucui caicunapi ayudashpapish Diostami adoranchij. ¿Cashna ayudanaca manachu jatun bendición can? (Sl 127:1; Ap 7:15).

¿IMA SHINATAJ AYUDAI TUCUNCHIJ?

• 

  Cada tandanacui tucurishca qꞌuipaca ñucanchij tiyarishca puestota pꞌichashpami mana maipishcachun saquina canchij.

• 

  Tandanacuna huasita pꞌichana, allichina ñucanchijpaj urmajpica ayudanami canchij. Achca ayudajcuna tiyajpica utcami tucuita rurashun. Shinallataj cushillami sintirishun (jl Lección 26 párr. 2, 3).

• 

  Tucui shunguhuanmi ayudai tucunchij. ‘Ishqui uchilla quillu cullquita’ cujpipish tucui shunguhuan cujpica Jehová Diosca achcatami cushicun (Mr 12:41-44).

• 

  Ayudai tucushpaca Tandanacuna Huasicunata shayachishpa, allichishpami ayudanaman ri tucunchij. Chaipi ayudangapajca huasichinata yachanaca mana minishtirinchu, rinallami canchij.