CANTO 112
Jehová Diosca sumaj causaita cujmi
1. Cꞌuyashca Jehová Dios
espirituta cushpa
ñucanchijta ayudahuai
cushilla causangapaj.
Cꞌuyashcamantami
Jesusta cacharcangui.
Ñucanchijca paimantami
canhuan alli tucunchij.
2. Jehová Dios canmari
sumaj causaita cungui.
Bibliamanta yachachishpa
alli ñanta pushangui.
Tucui llaquicuna
tucuringacamaca
ñucanchijta cuidahuangui,
ama saquihuanguichu.
3. Canta sirvijcuna
cai punllacunapica
cielopipish Allpapipish
tandallami causanchij.
Macanacuicuna
ñallami tucuringa.
Can churashca Mandanami
sumaj causaita cunga.
(Cai versocunatapish leyipai: Sal. 4:8; Filip. 4:6, 7; 1 Tes. 5:23).