YACHAI 11

Shungumanta parlai

Hechos 18:24, 25

YUYARI: Can parlashcata uyachunca shungumantami parlana cangui.

Shuj yuyaimanta manaraj parlashpaca canrajmi convencido cana cangui. Chaipajca canrajmi imata yachachigrishcataca alli liyina, alli estudiana cangui. Shinallataj chai estudiashcacunapimi yuyana cangui. Chashnami imatapish shungumanta parlai tucungui.
Pihuan parlagricushcata yuyai. ‘¿Paicunaca imamantataj cai yuyaimantaca yachana can? ¿Shunguman chayajta yachachingapajca ima shinataj yachachina cani?’ nishpami tapurina cangui.
Animohuan parlai. Parlacushpaca cushilla ñahuihuan, maquicunata, umata cuyuchishpami sumajta parlana cangui. Huasipi normalta parlacushca layallatajmi gentecunahuanpish parlana cangui.

Imata rurachun animangapaj, shuj importante yuyaita yachachingapajmi allimanta vozta alzashpa, maquicunata cuyuchishpa parlana cangui. Pero cada rato umata, maquita cuyuchishpa parlajpica paicunaca mana allita shinami ricungacuna.